სურსათის ეროვნულ სააგენტოში აცხადებენ, რომ მოქალაქემ, რომელიც ჯილეხით დაინფიცირდა, დაავადებული ხორცი სავარაუდოდ ნავთლუღის ბაზრის მიმდებარე ტერიტორიაზე შეიძინა.

დაავადებათა კონტროლის ცენტრიდან და ასევე უშუალოდ დაინფიცირებული პირისგან მიღებული მონაცემების საფუძველზე, შესაბამისი ღონისძიებები გატარდა აღნიშნული პირის საცხოვრებელ სახლსა და ხორცის რეალიზაციის მითითებულ სავარაუდო ობიექტში.

ამჟამად სააგენტო დაავადების გავრცელების ზუსტი წყაროს დადგენის მიზნით სამუშაოებს ახორციელებს.

თბილისში ჯილეხით დაავადების შემთხვევა დაფიქსირდა. დაავადებათა კონტროლის ეროვნული ცენტრში ამბობენ, რომ დაავადების წყარო დედაქალაქის ერთ-ერთ ბაზარში შეძენილი ხორცია.