საგურამო-ზედაზენის გზაზე ხანძარია. წყალსაცავის ტერიტრიაზე ცეცხლი საკმაოდ დიდ ფართობზე ბუჩქნარსა და ბალახს უკიდია. ხანძრის ჩაქრობას 4 სახანძრო ბრიგადა ცდილობს. მეხანძრეებთან ერთად, ცეცხლს ადგილორივებიც ებრძვიან. მათ თქმით, ცეცხლის გავრცელებას ხელი ქარმა შეუწყო. ცეცხლის ჩაქრობა ამ დომდე ვერ ხერხდება.

საგანგებო სიტუაციების მართვის სამსახურის წარმომადგენლის ინფორმაციით, ამ დროისთვის დამწვარია, დაახლოებით, 2 ჰექტარი მიწის ნაკვეთი.

სამაშვლო სამსახურის წარმომადგენელი ამბობს, რომ ამ დროისთვის, ცეცხლის დასახლებულ პუნქტში გადასვლის საშიშროება არ არსებობს. როგორც თემურ მონიავა აცხადებს, ხანძრის ძირითადი კერა ჩამქრალია.

სამაშველო სამსახურის ხელმძღვანელის ინფორმაციით, ხანძარი წყალკანალის ტერიტორიაზე დასაწყობებულ საბურავებს გაუჩნდა, რის შედეგადაც ძლიერი დაკვამლიანება იყო. ცეცხლის გავრცელება ქარმა მოახდინა, თუმცა, მისი თქმით, ლოკალიზება მალე მოხდება.