საქართველოში 14 წლამდე ბავშვების 20%-ზე მეტს ოჯახში მამა სცემს

საზოგადოება - 12:03, 24 Jul, 2018

1510

"აჭარის ტელევიზია" "ახალგაზრდა იურისტთა ასოციაციი"-ის კვლევაზე დაყრდნობით კვლელვას აქვეყნებს, სადაც აღნიშნულია, რომ საქართველოში 2-დან 14 წლამდე ბავშვების 20%-ზე მეტს სცემენ და ამას უმეტესად მამები აკეთებენ.

მათივე ცნობით, ყველაზე გავრცელებული ფორმა ფსიქოლოგიური ძალადობაა, რაც ბავშვის დაშინებაში, ოჯახის წევრების მხრიდან მუდმივ კრიტიკაში, აგრესიულ დამოკიდებულებასა და მისი ინტერესების იგნორირებაში გამოიხატება.

"საქართველოში ბავშვთა მიმართ ფიზიკური ძალადობა არის სოციალური ნორმა. კვლევამ გვაჩვენა, რომ მოქალაქეების ნახევარი დასაშვებად მიიჩნევს ფიზიკური დასჯის გამოყენებას. მოქალაქეების 60% სწორედ მკაცრ, ავტორიტარულ სტილს იყენებს ბავშვების აღზრდისას. საგანმანათლებლო დაწესებულებებში კი, მასწავლებელთა უმრავლესობა ძალადობრივ მეთოდებს იყენებს კლასის მართვისას. სამწუხაროდ, პედაგოგები ვერ მიჯნავენ ერთმანეთისგან დისციპლინას და ძალადობრივი აღზრდის მეთოდებს. შესაბამისად ჩვენ ვიღებთ ისეთ გარემოს, სადაც ბავშვებზე სისტემატურად ძალადობენ" - აღნიშნავს გაეროს ბავშვთა ფონდის საქართველოს ოფისის კომუნიკაციების პროგრამების ხელმძღვანელი მაია ქურციკიძე.