სტიქია კახეთში, გორსა და გარდაბანში - ძლიერი წვიმის შედეგად დაიტბორა საცხოვრებელი სახლები და ეზოები

საზოგადოება - 09:19, 23 Jul, 2018

1310

საგანგებო სიტუაციების სამსახური სტიქიის შედეგების სალიკვიდაციო სამუშაოების შესახებ ინფორმაციას ავრცელებს. უწყების ინფორმაციით, სტიქია იყო კახეთში, გორსა და გარდაბანში. ძლიერი წვიმის შედეგად დაიტბორა საცხოვრებელი სახლები და ეზოები

კახეთში დაიტბორა სიღნაღისა და ლაგოდეხის ოთხი სოფელი - სულ შემოვიდა 6 შეტყობინება.

საგანგებო სიტუაციების სამსახურის ცნობით, კახეთში, საცხოვრებელი სახლებიდან წყლის ამოტუმბვითი სამუშაოები დასრულებულია.

გორში დაიტბორა საცხოვრებელი სახლები და ეზოები - სულ შემოვიდა 18 შეტყობინება.

მაშველების მიერ ევაკუირებულია და უსაფრთხო ადგილზეა გადაყვანილი 3 ოჯახი.

ამ დროისთვის, გორში მიმდინარეობს საცხოვრებელი სახლების სარდაფებიდან წყლის ამოტუმბვითი სამუშაოები.

გარდაბანი - სოფელი კრწანისი - დაიტბორა საცხოვრებელი სახლები და ეზოები - სულ შემოვიდა 4 შეტყობინება. მაშველების მიერ 11 ოჯახიდან განხორციელდა 15 ადამიანის ევაკუაცია.

სოფელ კრწანისში, საცხოვრებელი სახლებიდან წყლის ამოტუმბვითი სამუშაოები დილის 06:00 საათზე განახლდება.

სტიქიის შედეგად, არცერთ ქალაქში მოქალაქეები არ დაშავებულან.

საგანგებო სიტუაციების მართვის სამსახური განაგრძობს განსაკუთრებულ რეჟიმში მუშაობას