მოზარდების მკვლელობის საქმე - ხორავას ქუჩაზე მომხდარი მკვლელობის საქმის გამოძიების ფარგლებში სამართალდამცავებმა 51-ე საჯარო სკოლის მოსწავლე დ.ღ. გუშინ დააკავეს. ამის შესახებ შინაგან საქმეთა სამინისტროს მიერ გავრცელებული განცხადებით გახდა ცნობილი.

როგორც ცნობილია დ.ღ. ცრუ ჩვენების მიცემის ბრალდებით არის დაკავებული. მოზარდის დაკავებაზე მისი მშობლები ვრცელ კომენტარს არ აკეთებენ, თუმცა დ.ღ.-ს მამის განცხადებით, მისი ინფორმაციით მის შვილს მნიშვნელოვანი არაფერი მოუტყუებია:

„სანამ არ იქნება სასამართლო პროცესი, არავითარ კომენტარს არ გავაკეთებ. უნდა გაირკვეს სასამართლოზე რა მოიტყუა რა არ მოიტყუა. მე როგორც ვიცი არაფერი ისეთი მნიშვნელოვანი არ მოუტყუებია. რა ზეწოლა, რის ზეწოლა, რა ზეწოლაზეა ლაპარაკი,“-აცხადებს დაკავებული დ.ღ.-ს მამა.