„მამაჩემის თაობას სოფია როტარუს ნახვა უხაროდა, ჩემი შვილებისას

„მამაჩემის თაობას სოფია როტარუს ნახვა უხაროდა, ჩემი შვილებისას - სოფია რობოტის“

სოც.მედია - 12:04, 18 Jul, 2018

1568

რობოტი სოფიას საქართველოში ჩამოსვლას იუმორისტი ნიკა ქავთარაძე ეხმაურება:

„მამაჩემის თაობას სოფია როტარუს ნახვა უხაროდა, ჩემი შვილებისას - სოფია რობოტის“- წერს ნიკა ქავთარაძე ფეისბუკზე.

შეგახსენებთ, მსოფლიოში ყველაზე განვითარებული ჰუმანოიდი რობოტი სოფია საქართველოში გაერო-ს განვითარების პროგრამის (UNDP) მოწვევით ღია მმართველობის პარტნიორობის (OGP) მეხუთე გლობალურ სამიტში მონაწილეობის მისაღებად ჩამოვიდა.

დღეს სოფია სამიტის მონაწილეებს მიესალმება, ხოლო შემდეგ ჩაერთვება საპანელო დისკუსიაში სახელმწიფო სერვისების შესახებ. სოფია ისაუბრებს ხელოვნური ინტელექტის როლზე სახელმწიფო სერვისების განვითარებაში, ხოლო განსაკუთრებულ ყურადღებას მოწყვლადი მოსახლეობის ხელშეწყობას დაუთმობს.

სოფია აგრეთვე ეწვევა თბილისის იუსტიციის სახლს, სადაც მოქალაქეებს, ჟურნალისტებსა და სტუდენტებს შეხვდება.

ჰუმანოიდი რობოტი სოფია Hanson Robotics-ის უახლესი და ყველაზე განვითარებული რობოტია. 2017 წლის ნოემბერში გაერო-ს განვითარების პროგრამამ (UNDP) სოფია ინოვაციების ჩემპიონად გამოაცხადა. მანამდე გაერო-ს წოდებები მხოლოდ ადამიანებს ენიჭებოდა.