"ხორვატია შორსაა და შორიდან ყველაფერი ლამაზად ჩანს, განსაკუთრებით ქერა თმა"- სიმართლე ხორვატიის პრეზიდენტზე

სოც.მედია - 11:28, 18 Jul, 2018

14133

უკვე რამდენიმე დღეა ფეისბუკგვერდები მონდომებით აზიარებენ სტატუსს იმის შესახებ, თუ როგორ ხელმომჭირნედ ცხოვრობს ხორვატიის პრეზიდენტი და რა რეფორმები გაატარა ქვეყნის ეკონომიკის განვითარებისთვის კოლინდა გრაბარ-კიტაროვიჩმა. ხორვატიის პრეზიდენტით საყოველთაო აღტაცებას სოციალურ ქსელში საქართველოს ევანგელისტურ-ბაპტისტური ეკლესიის ეპისკოპოსი და ქალთა უფლებების აქტივისტი რუსუდან გოცირიძე ეხმაურება.

„მეზობლის ეზოში ბალახი რომ უფრო მწვანეა, მე მგონი ეგ ამბავია ჩვენს თავს. უკვე მერამდენე პოსტს გადავაწყდი ხორვატიის პრეზიდენტის სურათითა და პუნქტებად ჩამოწერილ მის საოცარ რეფორმებს.

გვერდით მიზის ხორვატი გოგო, რომელსაც პოლიტიკურ მეცნიერებათა PHD აქვს და თავისი ქვეყნის ამბავი ახლოდან იცის. ხო და . . . ქალბატონ კოლინდას მართლაც უხდება ხორვატიის საფეხბურთო გუნდის ფორმა, კარგი იუმორის გრძნობა აქვს და განათლებულიც ბრძანდება, მაგრამ არც მერსედესები გაუყიდია და არც ხეფასები გაუნახევრებია... არც ეკონომიკური რეფორმები ჩაუტარებია და ხორვატიას ევროპაში ყველაზე უფრო დაბალი ეკონომიკური განვითარების მაჩვენებელი აქვს.

მართალია, ხორვატიის პრეზიდენტი ჩვენს პრეზიდენტზე უფრო მომხიბვლელია, მაგრამ ჩვენი გიორგივით უფლება ჩამორთმეულია. უფრო მეტიც, ულტრანაციონალურ იდეების გაჟღერება _ "ხორვატია ხორვატებისათვისო" - არ ეუხერხულება. გუშინდელ ზეიმზე სცენა დაუთმო იმ მომღერალს, რომელიც თავისი ფაშისტური მესიჯების გამო, ჰოლანდიასა და გერმანიაში არ შეუშვეს...

ხო და... რა ვიცი აბა.... ხორვატია შორსაა და შორიდან ყველაფერი ლამაზად ჩანს. განსაკუთრებით ქერა თმა“- წერს რუსუდან გოცირიძე.