ტყიბულის შახტში ტრაგიკული შემთხვევის დროს დაშავებული მეშახტეები დამწვრობის ცენტრში გადაიყვანეს.

როგორც დამწვრობის ცენტრის ხელმძღვანელი გუგა ქაშიბაძე აცხადებს, ერთ-ერთს სხეულის 25% აქვს დამწვარი, რომლის ჯანმრთელობის მდგომარეობა საკმაოდ სერიოზულია.

„ამ წუთისთვის შემოვიდა ჩვენთან 30 წლის მამაკაცი, რომელმაც სხეულის დაზიანება მიიღო შახტაში. სხეულის 25% აქვს დამწვარი. მეორე, მესამე ან მესამე „ბ“ ხარისხის დამწვრობაა. დამწვარი აქვს თავი, მტევნები, წინა მხრები, ქვემო კიდურებზე მცირე უბნები. ასევე აღენიშნება სასუნთქი გზების თერმულ-ინჰალაციური დაზიანება, თერმული შოკი. მისი მდგომარეობა საკმაოდ სერიოზულია. მოთავსებულია დამწვრობის ცენტრის რეანიმაციულ განყოფილებაში" - აღნიშნა გუგა ქაშიბაძემ.