სად ცხოვრობს "ტიფანი" - რაც აცხადებენ მერიაში

სოც.მედია - 18:40, 13 Jul, 2018

2486

თბილისიის მერიის ა(ა)იპ „საზოგადოებასთან კომუნიკაციის განვითარების სააგენტო“-ს ხელმძღვანელი ეკატერინე ჯოჯუა, მერიაში მყოფ ძაღლის „ტიფანის“ შესახებ წერს:

„ყველა ჩემი მეგობრის, კოლეგისა და გულშემატკივრის გასაგონად მინდა ვთქვა, რომ ტიფანი, რომელიც მერიაში თებერვლიდან ცხოვრობს, დღეს ჯანმრთელი და ხალისიანია.

როდესაც პატარა ლეკვი ცხოველთა თავშესაფრიდან წამოვიყვანეთ,

მას სხვადასხვა დაავადება ჰქონდა და მიხარია, რომ დღეს ის სრულიად ჯანმრთელია. ტიფანის ჩატარებული აქვს ყველა გეგმიური აცრა, კვირაში რამდენჯერმე აკითხავს კინოლოგი და დღეში ორჯერ (ამინდის შესაბამისად) სეირნობს სუფთა ჰაერზე.

დღეს, რადგან სიგრილეა, ის იმყოფება ეზოში, თუმცა, მაღალი ტემპერატურის ან წვიმის დროს ტიფანის მეორე უსაფრთხო და კომფორტული თაშესაფარიც აქვს.

მეტი დამაჯერებლობისთვის დაათვალიერეთ ჩემი ფოტო გალერეა, რომელიც ტელეფონში შემონახული მქონდა“- წერს ჯოჯუა.

შეგახსენებთ, ძაღლი, რომელიც კახა კალაძემ მერიაში ცხოველთა მონიტორინგის სააგენტოდან 13 თებერვალს წაიყვანა. გავრცელებული ინფორმაციით მერის კაბინეტის მეზობლად სახლობდა. თუმცა სოციალურ ქსელში გავრცელდა ფოტო სადაც ჩანს რომ მერიის სხდომების „ვარსკვლავი“ არა მერის კაბინეტის მეზობლად, არამედ მერიის ეზოში, ბუნკერების მახლობლად სახლობს.