„პოლიციელებმა დაიწყეს ცემა... ერთი ეუბნებოდა, თვალს ამოგთხრიო" - კრიმინალური შემთხვევა, რომელშიც პოლიცია ფიგურირებს

საზოგადოება - 13:17, 13 Jul, 2018

3074

ახალგაზრდა პოეტს დაუდგენელი პირები, სავარაუდოდ, პოლიციის თანამშრომლები, საკუთარ სახლში თავს დაესხნენ. ოჯახის წევრების განცხადებით, 20 წლის კოკა კობალაძე პოლიციამ კასტეტებით სცემა და ტვინის შერყევა აქვს მიღებული.

ნაცემი ახალგაზრდის დედის თქმით, მის შვილს მამაზე, ალექსანდრე კობალაძეზე ინფორმაციას სთხოვდნენ, რომელიც რამდენიმე თვის წინ საფრანგეთში ქურდული სამყაროს წევრობის ბრალდებით დააკავეს.

"ეკითხებოდნენ, სად იყო მამამისი და ოფიციალური ოქმიც შეადგინეს, რომ მას კონტაქტი არ ჰქონდა მამასთან, ოქმის შედგენის შემდეგ დაიწყეს გინება და ხდება ხელის დარტყმა, ერთი იჭერს და მეორე ურტყამს, მერე არის ასეთი, რაღაც რომ თვალზე ადებს ბასრ საგანს და ეუბნება, რომ თუ არა მეტყვი რა ურთიერთობა გაქვს მამასთან და გაქვს თუ არა ურთიერთობა თვალს ამოგთხრი. სახეზეც ეტყობა ბასრი საგნის კონტაქტი კოკას. ამის შემდეგ ურტყამენ იდაყვს თავში ტოვებენ ჩაკეცილ მდგომაროებაში და ეს პოლიციელები გამოდიან“ - აღნიშნავს დაზარალებულის ადვოკატი.

შინაგან საქმეთა სამინისტრო კოკა კობალაძის სახლში პოლიციის ყოფნას არ ადასტურებს.