20 წლის ბიჭს თავს დაესხნენ - ოჯახი კოკა კობალაძის ცემაში პოლიციას ადანაშაულებს

შემთხვევა - 20:37, 12 Jul, 2018

4352

ახალგაზრდა მამაკაცს დაუდგენელი პირები საკუთარ სახლში თავს დაესხნენ. ოჯახის წევრების განცხადებით 20 წლის კოკა კობალაძე გუშინ საღამოს პოლიციამ კასტეტებით სცემა და ტვინის შერყევა აქვს მიღებული.

სოციალურ ქსელში გავრცელებული ინფორმაციით, კოკა კობალაძისგან მამის ე.წ. კანონიერი ქურდი, 1974 წელს დაბადებული ალექსანდრე კობალაძის ადგილსამყოფელის დასახელებას ითხოვდნენ, რომელიც ჯერ კიდევ მიმდინარე წლის 16-17 აპრილს, საფრანგეთსა და საბერძნეთში ჩატარებული სპეცოპერაციის სახელად - „Caucase Normandie“-ის დროს დააკავეს.

ახალგაზრდა ამ დროისთვის ღუდუშაურის კლინიკაში იმყოფება, ექიმის განცხადებით, პაციენტი კლინიკაში გუშინ საღამოს სასწრაფო დახმარების ბრიგადამ შეიყვანა. მას სახეზე ზედაპირული დაზიანებები აღენიშნებოდა, ის მონიტორინგის მიზნით მოთავსებულია ნევროლოგიურ განყოფილებაში. ექიმის განცხადებით, პაციენტი ტვინის შერყევის დიაგნოზიტ შეიყვანეს თუმცა კვლევებით ეს არ დადასტურდა. პაციენტს კლინიკიდან სავარაუდოდ ხვალ გაწერენ.

შსს კოკა კობალაძის სახლში პოლიციის ყოფნას არ ადასტურებს, თუმცა უწყების განცხადებით, აღნიშნულ ინციდენტთან დაკავშირებით გამოძიებას პროკურატურა დაიწყებს.