„საავტორო უფლებები დაიცავით თუ შეიძლება და ეთიკა...“ - თაკო ჩარკვიანის მიმართვა ,,ოქროს ტალღის“ ორგანიზატორებს

სოც.მედია - 13:29, 07 Jul, 2018

4236

პუბლიცისტი თაკო ჩარკვიანი ,,ოქროს ტალღის“ დაჯილდოების ცერემონიალს ფეისბუქის გვერდზე ეხმაურება. ფორტუნას მიერ ორგანიზებულ ღონისიძებაზე წლის საუკეთესო სიმღერად დასახელდა მამუკა ჩარკვიანის მიერ შექმნილი სიმღერა ,,შენ რომ დიდი იქნები“, რომლის ტექსტის ავტორიც ჯანსუღ ჩარკვიანია. თაკო ჩარკვიანი ორგანიზატორებს საავტორო უფლებების დაცვისკენ მოუწოდებს და შეახსენებს, რომ ამ ტიპის ღონისძიებაზე როგორც წესი ლექსისა და სიმღერის ავტორი უნდა გამოცხადდეს, რაც არ მომხდარა.

„რა თქმა უნდა ვწერ, მხოლოდ და მხოლოდ მამუკა ჩარკვიანის ნებართვით- ახლა ვუყურებდი ფორტუნას- " ოქროს ტალღას"- წლის საუკეთესო სიმღერად დასახელდა მამუკა ჩარკვიანის სიმღერა "შენ რომ დიდი იქნები", ჯანსუღ ჩარკვიანის ლექსზე. რომელიც ჯანსუღმა თავის შვილიშვილს ირმა გიგანს დაუწერა, რატომ ვამბობ , ამ ყველაფერს , ახლავე მოგახსენებთ- იმიტომ, რომ ორგანიზატორებმა უნდა გამოაცხადებინონ ლექსის და სიმღერის ავტორი ( მით უმეტეს, როცა წლის საუკეთესო სიმღერად სახელდება) და მოსაწვევიც უნდა გაუგზავნონ ცოცხალ კოპმპოზიტორს ორგანიზატორებმა( ვისაც ეს ეხება)მითხრეს ,რომ ეს ეხებოდა თათა სადრაძეს, თამარ ჩიგოგიძეს( ეს არაპროფესიონალიზმია და ძალიან რბილად, რომ ვთქვათ უხერხული, საავტორო უფლებებზე აღარაფერს ვამბობ) ეს ყველაფერი შენიშვნის ფორმით, თორემ სახალხოობა და ხალხის სიყვარული ძვირფასებო, ამ პროექტით_ "ოქროს ტალღით" არ მიუღია, არც ლექსის და არც სიმღერის ავტორს- საავტორო უფლებები დაიცავით თუ შეიძლება და ეთიკა ( თუ გაქვთ- გაგაჩნიათ, რა თქმა უნდა)“ - წერს თაკო ჩარკვიანი.