"დარეკა დაჭრილი ვარო, ჩემს შვილს უპოდლეს"- ვინ არის გორში გარდაცვლილი 17 წლის ახალგაზრდა და რა ვერსია აქვს ოჯახს

შემთხვევა - 15:17, 06 Jul, 2018

22023

გორის რაიონის სოფელ ხელთუბანში გარდაცვლილი 17 წლის თორნიკე მერაბაშვილის ოჯახს თვითმკვლელობის ვერსიის არ სჯერა.

როგორც ახალგაზრდის მამა, მერაბ მერაბაშვილი აცხადებს თორნიკე მეგობრებთან ერთად, საქეიფოდ წავიდა.

,,მეგობართან წავიდა საღამოს, პური უნდა ეჭამათ და უნდა დაელიათ. ალბად იქიდან წამოსვლისას, დაახლოებით პირველს რომ 3 წუთი აკლდა, ჩემს ძმის შვილს დაურეკა დაჭრილი ვარო. რამდენიმე წუთში ჩემს ცოლსაც დაურეკა და სასწრაფოს ნომერი სთხოვა. ტელეფონი, რომ გათიშა ჩემ სიძემ დაურეკა და უკვე აღარ უპასუხა. ცარიელა მესიჯებიც გაუგზავნია ჩემს ძმის შვილთან. მე ვფიქრობ, რომ ჩემი შვილს უპოდლეს. როგორც მითხრეს სასწრაფო, რომ მივიდა ჯერ კიდევ ცოცხალი იყო თუმცა საავადმყოფოში, რომ მივედით გვითხრეს, შემოყვანისას ბავშვი აღარ იყოვო“-აცხადებს მერაბ მერებშვილი.

შინაგან საქმეთა სამინისტროს ინფორმაციით, მომხდარზე სისხლის სამართლის საქმე 115-ე მუხლით აღიძრა, რაც თვითმკვლელობამდე მიყვანას გულისხმობს.

როგორც "ნიუპოსტს" შინაგან საქმეთა სამინისტროში განუცხადეს, გარდაცვლილი ექსპერტიზის ბიუროში გადაასვენეს. უწყების ცნობით დანიშნულია შესაბამისი საექსპერტო პროცედურები.