"არავინ იცის, ვის რა დროს ეწვევა ეს გრძნობა" - კრისტი ყიფშიძე ოჯახის შექმნაზე ალაპარაკდა

სოც.მედია - 11:59, 04 Jul, 2018

4197

მოდელი კრისტი ყიფშიძე პირველად 1994 წელს გამოვიდა პოლიუმზე და მას შემდეგ 24 წელია, იქიდან „არ ჩამოსულა“. არათუ საქართველოში, მსოფლიოში იშვიათიამოდელი ასეთი სტაჟით. შინაგანი შარმი, პროფესიონალიზმი, მეტყველი თვალები და დიდი გამოცილება - ამ თვისებების გამო დღემდე აქტუალურია დიზაინერებისთვის, რომლებიც მას თავიანთ ჩვენებში ეპატიჟებიან.

„მოდელი პოდიუმზე მუნჯია, ვერ ლაპარაკობს, ამიტომ ვმუშაობთ თვალებით. თვალებით ვუყვებით, მაყურებელს ჩვენ სათქმელს“ - ამბობს კრისტი ჟურნალ „სარკესთან“ საუბრისას.

„სასიამოვნოა, როცა ამდენი წელი დგახარ პოდიუმზე. ამ პროფესიამ ბევრი რამ მომიტანა. მე სხვადასხვა სფეროში ვცადე ბედი, ვმუშაობდი ტელევიზიაში, რადიოში, ოღონდ ყველაფერი მაინც მოდას უკავშირდებოდა. დღეს 40 წლის ვარ, სექტემბერში 41-ის ვხედბი და ასაკს საერთოდ ვერ ვგრძნობ. ცხოვრებაში გვაქვს სხვადასხვა ეტაპები.

სიცოცხლის ბოლომდე ზუსტად ვიცი, რომ 80 წლის თუ ცოცხალი ვიქენი, აუცილებლად გამოვალ პოდიუმზე“ - აცხადებს მოდელი.

როგორც კრისტი ყიფშიძე ამბობს ოჯახის შექმნა არ გამოდის. მისივე თქმით, არც არავინ გამოჩენილა.

"ოჯახის შექმნა რაღაც არ გამოდის. პრინციპში არც არავინ გამოჩენილა ჩემს ცხოვრებაში ისეთი, ვისზეც შეიძლებოდა, რომ მეფიქრა. არავინ იცის, ვის რა დროს ეწვევა ეს გრძნობა. მოსახდენი მოხდება" - აღნიშნავს მოდელი.