ხორავას საქმეზე შექმნილი დროებითი საგამოძიებო კომისიის წევრი „ევროპული საქართველოდან" ელენე ხოშტარია ფიქრობს, რომ ფარდულის ეპიზოდთან დაკავშირებით შსს-ს და მთავრი პროკურატურის ვერსიები განსხვავებულია.

"ერთ-ერთი საკვანძო მომენტი ფარდულის ეპიზოდში, რომელიც განსაზღვრავს კალანდიას როლს არის სად იდგა ჩხუბის დაწყების დროს კალანდია. ჩვენებებით ჩანს და შსს-ს წარმომადგენლებმა დღეს დეტალურად დააფასტურეს, რომ კალანდია დგას ფარდულის შესასვლელთან და ჩხუბის დაწყებისთანავე შედის ფარდულში. პროკურატურამ კი სასამართლოში და მერე კომისიაზეც გვითხრა, რომ კალანდია დგას 8-9 მეტრში ფარდულიდან, ანუ არკასთან. შსს-ს დღეს მოუწია იმის თქმა, რომ გამოძიების მიხედვით ეს მცდარი ვერსიაა და შესაბამისად ფხაკაძემ რაც გვითხრა არ დასტურდება გამოძიებით

To be continued...

P.s პოლიციის მაღალჩინოსანი ბატონი სიგუა დღეს ავად გახდა, ტელეფონს არ პასუხობდა, გვემალებოდა ჯერ საბუთიც არ წარმოუდგენია. აუცილებლად დაიკითხება ეგეც სიცხე როცა დაუწევს"- წერს ხოშტარია.