"მრევლს ცალკე უნდა უგორო კოჭები, ლამბერსექსუალებს ცალკე..."- რომან გოცირიძე ამომრჩევლებს წვერის გაპარსვისკენ მოუწოდებს

სოც.მედია - 12:46, 29 Jun, 2018

1719

მამაკაცის მოდის კონტექსტში რომან გოცირიძე უმცირესობა-უმრავლესობის გემოვნებაზე და პოლიტიკოსის მიერ ბალანსის დაცვაზე ფეისბუკსტატუსს აქვეყნებს:

"ასპროცენტიან უწვერო საზოგადოებაში, ვიღაცებს მოუვიდათ აზრად, რომ მოეშვათ წვერები და ამით საკუთარი ინდივიდუალობისთვის გაესვათ ხაზი. მერე მიბაძვით ეს გახდა მოდა და ახლა ასპროცენტიან გაწვერიანებულ საზოგადოებაში უნდა ველოდოთ, რომ ვიღაცები გადაწყვეტენ, რომ წვერები გაიპარსონ და ამით საკუთარ ინდივიდუალობას გაუსვან ხაზი. მერე მიბაძვით ეს გახდება მოდა და დამთავრდება ქართული მამაკაცური მოდის მოჯახედური პერიოდი.
ათიდან ცხრა მამაკაც ამომრჩეველს პოლიტიკოსი გულს რომ ატკენს, ის რა პოლიტიკოსიაო, იტყვის მავანი.
მრევლს ცალკე უნდა უგორო კოჭები, ლამბერსექსუალებს ცალკე, ლუდი რომ ღვინოს ურჩევნია და პირიქით, იმათაც. სუბსიდირების მომხრეები უმრავლესობაში რომ არიან და აგერ ბიტკოინმოყვარულებიც რომ გაჩნდნენ უმცირესობაში, ესეც მხედველობაშია მისაღები. უმცირესობა-უმრავლესობის ამბავი ხომ მთლად მძიმედ ქართულია-17 მაისს ან ტაბურეტკას უნდა შეუშვირო თავი ან ტაბურეტკიანს უნდა მოცხო ტაბურეტკა.
ზოგს მესი მოსწონს და ზოგს რონალდუ და მე, ესპანეთის და ბელგიის გულშემატკივარი რომ ვარ ამ ჩემპიონატში, როგორ გამოვყო თავი ტრადიციულად სამხრეთამერიკული ფეხბურთის მოყვარულ ქართველობაში?
მოკლედ, ბალანსი თუ ვერ დაიჭირე, ისე რა გესაქმება პოლიტიკაში?!
”იარე შენი გზით და დაე ადამიანებმა რაც უნდა თქვან”!-ბრძანებს დიდი დანტე ალიგიერი და მეც ამ სიტყვებით გამხნევებული კვლავ ვამბობ: გაიპარსეთ წვერი ახალგაზრდა ამომრჩევლებო!
(მაინც დაბალანსებული მოწოდება).
ეს ფეისბუკიც რომ ჩამორჩება ხოლმე? სადაა წვერმოშვებული კაცის სტიკერი?"- წერს რომან გოცირიძე.