"მანიაკს ჩემზე ზემოქმედებისთვის იყენებენ, რამდენ გადაცემასაც ვაკეთებ ხორავას ქუჩის სამარცხვინო გამოძიებაზე,იმდენჯერ, ვითომ შემთხვევით აქტიურდება"- ინგა გრიგოლია

სოც.მედია - 17:52, 28 Jun, 2018

1405

ჟურნალისტი ინგა გრიგოლია, მის საქმესთან დაკავშირებით პროკურატურის განცხადებას სოციალურ ქსელში ეხმაურება. ტელეწამყვანი ეჭვობს, რომ „მანიაკის თემას“ მასზე ზემოქმედებისთვის იყენებენ.

„მიპასუხა პროკურატურამ( ვაი მაგათ პატრონს), კი დავიჭირეთ ეს მანიაკი შენზე ძალადობის გამო,მაგრამ სრული უფლება აქვს გააგრძელოს შენთან რეკვა და მუქარა -შევიწროება,იმიტომ რომ შურაცხადიაო,ასეთია ჩემს ენაზე პროკურატურის განცხადება. კაცი,რის გამოც დაიჭირეს და რის გამოც დახმარებას ვთხოვდი სახელმწიფოს,თურმე უფლებამოსილია განაგრძოს ჩემთან რეკვები .ამის მერე როგორ მქონდეს ჩემი სახელმწიფოს იმედი,რომ ძალადობისგან დამიცავს!! უკვე ასიდან ასი პროცენტით მჯერა,რომ ამ მანიაკს ჩემზე ზემოქმედებისთვის იყენებდნენ და გამოიყენებენ მომავალში,მაგრამ ვერ მოგართვით!!! სადაც თქვენი დაიკვეხოთ,პროკურატურავ!!!!!! რამდენ გადაცემასაც ვაკეთებ ხორავას ქუჩის სამარცხვინო გამოძიებაზე,იმდენჯერ ,ვითომ შემთხვევით რომ აქტიურდება ამ მანიაკის თემა ჩემს ცხოვრებაში. ამიერიდან უფრო გულდასმით გავაშუქებ ყველა თემას“- წერსინგა გრიგოლია.

შეგახსენებთ, დღეს პროკურატურაში უპასუხეს ინგა გრიგოლიას განცხადებას იმასთან დაკავშირებით, რომ პირი, რომელიც მის მიმართ განხორციელებილი მუქარისა და ადევნების გამო დააკავეს, მას ტელეფონით დაუკავშირდა.

უწყებაში აცხადებენ, რომ პირს, რომელიც ჟურნალისტის მიმართ მუქარის და ადევნების გამო დააკავეს, ფსიქიკური აშლილობა აქვს, რის გამოც ის არა საპატიმროში, არამედ ფსიქიკური ჯანმრთელობის დაწესებულებაში მოათავსეს, ასევე მოხსნილი აქვს ბრალდებულის სტატუსი. შესაბამისად აქვს უფლება, რომ საკუთარი ხარჯით აწარმოოს მიმოწერა და ჰქონდეს სატელეფონო საუბარი.