არასამთავრობო ორგანიზაცია „სახალხო თვითმართველობის“ ხელმზღვანელის, გოგი ლორთქიფანიძის შეფასებით, „ქართული ოცნების“ მიერ შემოთავაზებული ე.წ მცირე მთავრობის მოდელი კონცეპტუალურად მცდარია და მხოლოდ დროებით პიარ-შედეგებზეა გათვლილი,

„ეს ცვლილებები ქვეყნის მართვას გაცილებით გაართულებს, ვიდრე - გაადვილებენ. მცირე მთავრობა არ არსებობს, არსებობს პატარა მთავრობა (ცოტა მინისტრები და არა - ცოტა სამინისტრო ფუნქციები) და მცირე მმართველობა, ანუ ცოტა სამინისტრო ფუნქციები, ანუ ნაკლები რეგულირება და მართვა სახელწიფოს მხრიდან.

მართვა არის ფუნქცია, მთავრობა არის მინისტრებისგან შემდგარი კოლეგიალური ორგანო. მინისტრების შემცირებით მცირე მმართველობა არ მიიღება, ის მიიღება მხოლოდ ფუნქციების შემცირებით.

მამუკა ბახტაძე ამცირებს მინისტრებს, მაგრამ არა - ფუნქციებს. ეს არ არის მცირე მთავრობა, ეს არის ცოტა მინისტრები ბევრი ფუნქციებით. ამიტომ შემოთავაზებული მოდელი, აპრიორშივე, განწირულია არეფექტურობისთვის.

ტერმინი - small government ნიშნავს მცირე მმართველობას და არა - მცირე მთავრობას,“ - წერს საკუთარ „ფეისბუკის“ გვერდზე საზოგადოებრივი ორგანიზაცია „სახალხო თვითმმართველობის“ თავჯდომარე გოგი ლორთქიფანიძე.