დუმილის დამფინანსებელი ივანიშვილი.... - ,,რა მოხდება თუ ყველა შენგელაიას მგავსად ალაპარაკდება? თუ არ მოერიდებიან უმადურის იარლიყს?“

სოც.მედია - 14:23, 25 Jun, 2018

5299

„ერთიანი ნაციონალური მოძრაობის“ პოლიტსაბჭოს თავმჯდომარე ნიკა მელია ივანიშვილსა და რეჟისორ გიორგი შენგელაიას შორის არსებულ დაპირისპირებას ეხმაურება:

„როგორც კი გიორგი შენგელაიამ გაბედა, ხმა ამოიღო და გააკრიტიკა ბიძინა ივანიშვილი, რატომღაც ყველა პირად წყენაზე ალაპარაკდა და რეჟისორი უმადურობაში დაადანაშაულეს. ამ რეაქციებმაც ცხადყო რომ ივანიშვილი დამსახურებების გამო კი არ უხდიდა სტიპენდიებს საზოგადოების ცნობილ წარმომადგენლებს, არამედ - ქებასა და მხარდაჭერაში, მინიმუმ - დუმილში.

გიორგი შენგელაიამ სწორედ ეს კონტრაქტი დაარღვია და ალაპარაკდა!

მართალი გითხრათ, ჩემთვის ნაკლებად საინტერესოა მათი მადლიერება-უმადურობის რკვევა და ბევრად საინტერესოა, რას ფიქრობენ საზოგადოების ის ცნობილი სახეები, ვინც ივანიშვილის სტიპენდიას იღებს და კვლავაც დუმილს ინარჩუნებს? რა მოხდება იმ შემთხვევაში თუ ყველა გიორგი შენგელაიას მსგავსად დაარღვევს ივანიშვილთან„გაფორმებულ კონტრაქტს“ და ალაპარაკდება? დიახ, რა მოხდება იმ შემთხვევაში თუ არ მოერიდებიან უმადურის იარლიყს და ქვეყნის ინტერესებიდან გამომდინარე, ღიად და საჯაროდ იტყვიან იმას, რასაც ფიქრობენ გულწრფელად, როგორც მათი დუმილის დამფინანსებელ ივანიშვილზე, ისე ქვეყანაში შექმნილ უმძიმეს ვითარებაზე. აი, ესაა საინტერესო!“- წერს ნიკა მელია ფეისბუკზე.