"ვიცი რომ ჩემი ნათქვამი ტკივილს მოგაყენებდა, ამიტომ გთხოვ პატიებას" - მიხეილ რამიშვილი მოსამართლეს ბოდიშს უხდის

სოც.მედია - 20:16, 21 Jun, 2018

2224

საქალაქო სასამართლოში ადვოკატ მიხეილ რამიშვილის სარჩელის განხილვა გაურკვეველი ვადით გადაიდო. თავდაპირველად მიხეილ რამიშვილი ვარაუდობდა, რომ ეს მიზანმიმართილად ხდებოდა და პროცესის გადადება მეუფე იაკობის მიმართ პასუხისმგებლობის არიდებას ემსახურებოდა. ამის გამო მან ის მოსამართლეც გააკრიტიკა, რომლის ჯანმრთელობის მდგომარეობა დასახელდა პროცესის გადადების მიზეზად, თუმცა მოგვიანებით, მიხეილ რამიშვილმა მოსამართლეს ბოდიში მოუხადა:

„ყველას, ყველას, ყველას. დღეს საქალაქო სასამართლოში დანიშნული იყო ჩემსა და მეუფე იაკობს შორის სასამართლო პროცესი. პროცესი გადაიდო. მოსამართლე ირაკლი კოპალიანი. მივმართავ ირაკლი კოპალიანს და მინდა ბოდიში და პატიება ვთხოვო. მე ნამდვილად არ ვიცოდი მისი ჯანმრთელობის შესახებ და მეგონა დროის გაწელვის მიზნით გადაიდო და ამიტომ, ირაკლი გისურვებ ჯანმრთელობას და დიდხანს სიცოცხლეს, გთხოვ პატიებას, რაც ჩემს მიერ მასმედიის საშუალებით შენი მისამართით გაჟღერდა და ვიცი რომ ჩემი ნათქვამი ტკივილს მოგაყენებდა. ამიტომ გთხოვ პატიებას და გიხდი ბოდიშს. არ მჩვევია უსამართლო სიტყვის თქმა და ამიტომ შენდობას გთხოვ.“- დაწერა მიხეილ რამიშვილმა ფეისბუკზე.