მოსკოვის ლოკომოტივის მცველის, სოლომონ კვირკველიას ბინაში გვამი იპოვეს. რუსული მედიის ცნობით, გარდაცვლილი სოლომონ კვირკველიას მეგობარი და ქართველი გულშემატკივარი რ. კ. -ია.

როგორც რუსული მედია წერს, წინასწარი ვერსიით მსოფლიო ჩემპიონატზე ჩასული რ.კ. ზედოზირებას ემსხვერპლა.

რ.კ. რუსეთში მეგობართან ერთად ჩავიდა. რუსული მედიის ცნობით, ჩასვლისას აეროპორტში „ლოკომოტივის“ ფეხბურთელები დახვდნენ, რადგან თავად კვირველია მოსკოვში არ იმყოფება, ის კვიპროსში იმყოფება შეკრებაზე.

ისინი კვირკველიას ბინამდე მიაცილეს, შემდეგ კი მისმა მეზობელმა იპოვა გვამი. ბინაში არ იმყოფებოდა მეორე პირი, რომელმაც სავარაუდოდ, მომხდარის შემდეგ ბინა დატოვა.

რუსული მედიის ცნობით ადგილზე იპოვეს შპრიცები , გარდაცვლილის სხეულზე კი ინექციის კვალი.