ვინ არის მარნეულის მერი, რომელიც არაადამიანური მოპყრობის ფატზე დააკავეს

ვინ არის მარნეულის მერი, რომელიც არაადამიანური მოპყრობის ფატზე დააკავეს - ფოტოები Instagram-იდან

სოც.მედია - 12:00, 13 Jun, 2018

16210

მარნეულის მერი თემურ აბაზოვი დაკავებულია. მისი დაკავება სავარაუდოდ, გუშინ გავრცელებულ კადრებს უკავშირდება, სადაც ერთ-ერთ პირზე მორალური და სიტყვიერი ზეწოლა ხორციელდება.

თემურ აბაზოვი დაიბადა 1981 წლის 2 დეკემბერს;
2003 წელს დაამთავრა საქართველოს შინაგან საქმეთა სამინისტროს პოლიციის აკადემია;

2003 წელს დაამთავრა თურქეთის რესპუბლიკის უშიშროების მეცნიერებათა აკადემია ქ. ანკარაში;

2004 წელს მუშაობდა საქართველოს შინაგან საქმეთა სამინისტროში განსაკუთრებულ დავალებათა სამმართველოს განსაკუთრებულ დავალებათა ინსპექტორად;

2005 წელს მუშაობდა სისხლის სამართლის სამძებროს მთავარი სამმრთველოს ორგანიზებულ დანაშაულთან ბრძოლის მესამე განყოფილების ინსპექტორად;

2005 წელს იყო შპს JTI-ში საქართველოს წარმომადგენელი აზერბაიჯანის რესპუბლიკაში; 2006 წელს იყო საქართველოს პარლამენტის საკადრო საკითხთა დეპარტამენტის თანამშრომელი;

2006-2007 წლებში იყო თურქეთის სახელმწიფო საინფორმაციო სააგენტოში „ANADOLU“-ს წარმომადგენელი საქართველოში;

2007-2011 წლებში მუშაობდა შპს „ელიტა ბურჯში“ მარკეტინგის სამსახურის მენეჯერად;

2011-2015 წლებში მუშაობდა შპს „ელიტა ბურჯში“ მარკეტინგის სამსახურის უფროსი;

2012 წელს იყო შპს „გლობალ კონტაქტ კონსალტინგის“ პროექტის ხელმძღვანელის თანაშემწე და სპეციალური შტაბის უფროსი;

2013 წელს იყო კოალიცია „ქართული ოცნების“ მარნეულის საარჩევნო შტაბის თანათავმჯდომარე;

2015 წელს მუშაობდა შსს-ს ცენტრალური კრიმინალური პოლიციის დეპარტამენტში სპეციალური ღონისძიებების უზრუნველყოფის სამმართველოს განყოფილების მთავარ სპეციალისტად;

2015-2017 წლებში იყო ცენტრალური კრიმინალური პოლიციის დეპარტამენტის საერთაშორისო დანაშაულის წინააღმდეგ ბრძოლის თანამშრომლობის ცენტრის სამმართველოს უფროსი/ პოლიციის ატაშე აზერბაიჯანის რესპუბლიკაში;

ფლობს აზერბაიჯანულ, ქართულ, თურქულ, რუსულ და ინგლისურ ენებს; ჰყავს მეუღლე და სამი შვილი.

მარნეულის მერი სოციალურ ქსელებში დიდი აქტიურობით გამოირჩევა. გთავაზობთ მის ფოტოებს ინსტაგრამიდან: