სკანდალი: "დნმ-ის ანალიზით დადგინდა, რომ პატარა ბორის ბედიას შვილია"

სკანდალი: "დნმ-ის ანალიზით დადგინდა, რომ პატარა ბორის ბედიას შვილია" - მომღერალი ალიმეტის გადახდაზე უარს ამბობს

სოც.მედია - 14:26, 07 Jun, 2018

6318

ბორის ბედია შვილს ალიმენტს არ უხდის - ამ სათაურით აქვეყნებს სკანდალურ მასალას ჟურნალის "გზა".
როგორც ირკვევა მომღერალს ახალგაზრდა უკრაინელი ქალბატონისა და ბორის ბედიას სასიყვარულო ურთიერთობა სასამართლო დავით დასრულდა.
გამოცემა წერს, რომ ქალი იძულებული გახდა, მომღერლისთვის სასამართლოში ეჩივლა. ირწმუნებოდა, რომ მისი გოგონას მამა ბორის ბედია იყო. მან სასამართლოს გზით მოითხოვა, მომღერალს საკუთარი შვილი ეღიარებინა და გვარი მიეცა. თავად მომღერალი კი მამობაზე უარს ამბობდა. აცხადებდა, რომ გოგონა მისი შვილი არ იყო. მართალია, ისინი ოფიციალურად არ ყოფილან დაქორწინებული, მაგრამ წლების წინ მედიაში იწერებოდა სტატიები მათ სასიყვარულო ურთიერთობაზე.

კერძოდ, 2014 წელს პრესაში წერდნენ, რომ ბორისი ქორწინდებოდა უკრაინელ ლარისა სტროკინაზე. მაშინ მომღერალი მედიასთან ამბობდა: "ჯერ არ გადამიწყვეტია ცოლის მოყვანა, თუმცა ყველაფერს დრო მიჩვენებს. გოგონასთან, რომელთანაც მე ვარ, ძალიან მომწონს და თავს კარგად ვგრძნობ... ჩემი განუმეორებელი შარმითა და უნიკალური ხმით დავიპყარი მისი ულამაზესი გული".
ასევე წერდნენ, რომ 27 წლის ლარისა ბორისმა თბილისში ერთ-ერთ რესტორანში გაიცნო. გოგონა თავის ძმასთან ერთად საქართველოში იყო ჩამოსული და მერე აეწყო მათი ურთიერთობა. როგორც ჩანს, მათი გზები მერე გაიყო და ბოლოს საკუთარი შვილის მამობაზეც უარი თქვა. სწორედ ამიტომ, დავამ სასამართლოში გადაინაცვლა.
ლარისას ადვოკატი, ნინო ლალიაშვილია, რომელიც ადასტურებს, რომ უკრაინელი ქალი ბორის ბედიას შვილის აღიარებას სთხოვს.
სასამართლო დავები ქალმა მომღერალს მოუგო და სასამართლოს გადაწყვეტილებით, ბედიას შვილისთვის ალიმენტის გადახდაც დაეკისრა.
"სარჩელის მოთხოვნა იყო მამობის დადგენა და პარალელურად - ალიმენტის გადახდა. ქალი ძალიან გულგატეხილი იყო და არ ელოდა, რომ უცხო ქვეყანაში სიმართლეს დაამტკიცებდა. ბორის ბედია ბოლომდე ამბობდა, რომ ბავშვი არ იყო მისი შვილი და ამ გოგოსთან მხოლოდ ერთჯერადი ურთიერთობა ჰქონდა. ფაქტები სხვას მეტყველებდნენ: არსებობდა მათი მიმოწერები, იყო ფოტომასალა, ბორის სახლში გადაღებული, ასევე, ბორისი - გოგოს სახლში. ბორისის მამის საფლავზეც კი ჰყავდათ მიყვანილი. ეს იყო რეალურად ხანგრძლივი ურთიერთობა, რომელიც 2 წელი გაგრძელდა. განათლებული გოგოა, ლექტორია, უნივერსიტეტში კითხულობს ლექციებს, უფრთხილდება თავის სახელსა და რეპუტაციას და ასეთი დამოკიდებულება მის ღირსებაზე მოქმედებდა"- აცხადებს ადვოკატი.
ნინო ლალიაშვილის თქმით, სამხარაულის ექსპერტიზის ბიუროში, დნმ-ის ანალიზით დადგინდა, რომ პატარა ბორის ბედიას შვილია.
"სამი ინსტანცია გვაწანწალა, ყველგან წააგო პროცესი, მაგრამ დღემდე საკუთარი შვილისთვის დაკისრებულ ალიმენტს არ იხდის. უკვე 10.000 ლარამდე ავიდა დაგროვილი თანხა და ერთი თეთრიც არ გადაუხდია. ახლა იძულებულები ვართ, სააღსრულებოში ვიჩივლოთ და ამ გზით ამოიღოს აღმასრულებელმა დაკისრებული თანხა. აღმასრულებელი დაუყადაღებს ქონებას, მერე გაუყიდის და ამ თანხას ამოვიღებთ"- აცხადებს ადვოკატი.
ვრცხლად წაიკითხეთ ჟურნალ "გზაში"