,,იქნება ისე, რასაც ეს ორი კაცი გადაწყვეტს" - ოპოზიციის ლიდერებმა ზაზა სარალიძეს მიმართეს, პრემიერთან შეხვედრის ფორმატი თავად გადაეწყვიტა

პოლიტიკა - 15:00, 04 Jun, 2018

1513

ზაზა სარალიძის მხარდამჭერი პოლიტიკოსები აცხადებენ, რომ ზაზა სარალიძის გადაწყვეტილებას დაემორჩილებიან და ხელისუფლებას არ მისცემენ, იმის განცხადების საშუალებას, რომ ზაზა სარალიძის საქმეს პოლიტიკური ვაჭრობისთვის იყენებენ. თავდაპირველად პრემიერთან შესახვედრად სარალიძესთან ერთად პოლიტიკური პარტიების ლიდერებიც უნდა შესულიყვნენ, თუმცა პრემიერის განცხადების შემდეგ გადაწყვეტილება შეიცვალა. პოლიტიკოსები ამბობენ, რომ მათ მიზანს შეხვედრაზე დასწრება არ წარმოადგენს და ყველაფერი ზაზა სარალიძის სურვილისამებრ გადაწყდება.

„რომ არავის ეგონოს, რომ ჩვენ პოლიტიკოსები ჩვენს პოზიციებს ვაყენებთ, გუშინ ზაზამ თვითონ გვითხრა ეს ფორმატი, ამიტომ მოვედი აქ. მინდა ვთქვა, რომ მარტო იმის გამო შეიყვანეს მაჩალიკაშვილი ამ პროცესში, რომ ლაივში ჩავრთეთ და სამარცხვინო ქმედებაზე უარის თქმისკენ მოვუწოდეთ პრემიერს. ჩვენ ვამბობთ, რომ არანაირ მოთხოვნას არ ვაყენებთ, რომ გინდა თუ არა ჩვენ უნდა ვიყოთ. რასაც გადაწყვეტს ის ორი კაცი, ყველაფერი ისე იქნება, ზაზას ვუთხარით, რომ ფორმატი შეხვედრის უნდა გადაწყვიტოს თვითონ, ისევე როგორც ეს გააკეთა გუშინ! “ - განაცხადა გიორგი ვაშაძემ.