მთავრობის კანცელარიასთან სახალხო დამცველი ნინო ლომჯარია იმყოფება. გიორგი კვირიკაშვილი ხორავას ქუჩაზე მოკლული მოზარდების მშობლებს შეხვდება. ომბუდსმენის განცხადებით, იგი მზად არის მონაწილეობა მიიღოს შეხვედრაში:

“მზად ვარ ამ შეხვედრაში მივიღო მონაწილეობა, ამიტომ ვარ მე აქ, ჩემი ინფორმაციით, ზაზა სარალიძე მოვა, თუმცა, არ ვიცი რას გადაწყვეტს საბოლოო ჯამში, მაგრამ ვიცი, რომ აპირებდა მოსვლას. რა ფორმატი იქნება და ვინ დაესწრება, ეს არ არის ჩემი გადასაწყვეტი, ნებისმიერ ფორმატში, მე ვარ მზად მონაწილეობა მივიღო და ძალიან დიდი სურვილი მაქვს, ეს შეხვედრა შედგეს და ვეცდები, ყველანაირად ხელი შევუწყო ამ შეხვედრის ორგანიზებას“, - განაცხადა ნინო ლომჯარიამ.