საქართველოს პრემიერ-მინისტრი გიორგი კვირიკაშვილი მზადყოფნას გამოთქვამს შეხვდეს ხორავას ქუჩაზე მოკლული მოზარდების მშობლებს, თუმცა, პოლიტიკოსების გარეშე. აღნიშნულ განცხადებას საპარლამენტო უმცირესობის წევრი სერგი კაპანაძე ეხმაურება. მისი თქმით, უკანასკნელ პერიოდში განვითარებული მოვლენებიდან გამომდინარე, გიორგი კვირიკაშვილს თანამდებობაზე ყოფნის უფლება აღარ აქვს:

„ამ ბოლო პერიოდში განვითარებული მოვლენების შედეგად უბრალოდ არ მესმის, როგორ აქვს ან მორალური, ან პოლიტიკური უფლება ამ ადამიანს, რომ გააგრძელოს მართვა. აქედან გამომდინარე, ამით იხსნება ყველა მისი პასუხი, ყველა მისი საქციელი და ყველა მისი ნაბიჯი, მათ შორის "ქართული ოცნების" ნაბიჯი, ამ აქციასთან და ზაზა სარალიძესთან მიმართებაში“ -აცხადებს სერგი კაპანაძე.

აქცია სახელწოდებით "ნუ მომკლავ" დღეს 14:00 საათზე უკვე მთავრობის ადმინისტრაციის შენობასთან გაიმართება.