"ნაციონალური მოძრაობის" ლიდერი ნიკა მელია აცხადებს, რომ "ზაზა სარალიძეს ხელისუფლების მხრიდან ახსნა-განმარტების ნაცვლად, დასცინეს".

„თქვენ დაინახეთ, როგორი ცინიკური დამოკიდებულებით გამოირჩეოდა ეს სისტემა. ჩვენს გვერდით დგას ორი ვერაგულად და სასტიკად მოკლული შვილმკვდარი მამა, რომელთაც, ნაცვლად იმისა, რომ მიეღო ახსნა-განმარტება ხელისუფლების მხრიდან, დასცინეს. შავი პიარი, პროპაგანდის მანქანა აამუშავეს, მოუქსიეს ზონდერ ელემენტები, ცილი დასწამეს იმაში, რომ ეს ადამიანები არიან პოლიტიკურად ანგაჟირებული.

აქ ხშირად გაისმოდა ერთი ძირითადი მოთხოვნა, დასჯილიყვნენ მკვლელები და ასევე ის ადამიანები, ვინც თვეების განმავლობაში აფარებდნენ ხელს მკვლელებს, მაგრამ ყველაზე მთავარი მოთხოვნა რაც იყო დაინგრეს სისტემაო, ხშირად გაგვიგონია, მაგრამ ამ ქვეყანაში სისტემა არის ერთი ადამიანი, ეს არის ბიძინა ივანიშვილი ეს ადამიანი უნდა ჩამოშორდეს მართვის სადავეებისგან. ხვალ, ექვს საათზე საინფორმაციო მიტინგი გაიმართება და მთელ ქვეყანას გავაცნობთ სამოქმედო გეგმას“, - განაცხადა ნიკა მელიამ.