ზვიად კუპრავას მიერ გავრცელებულ ინფორმაციას იმის შესახებ, რომ მას თინა ხიდაშელის ძმამ მიაწოდა ინფორმაცია ზაზა სარალიძის წინააღმდეგ შესაძლო პროვოკაციის მოწყობაზე, ფეისბუქის გვერდზე ეხმაურება თინა ხიდაშელი, რომელიც ამბობს, რომ მან არაფერი იცის და ძმასთან ურთიერთობა არ აქვს.

"ბევრმა ადამიანმა მომწერა კუპრავას განცხადებაზე. მოკლე კომენტარი:

1. არაფერი ვიცი იმაზე რასაც ამბობს.

2. სხვადასხვა მიზეზის გამო, პრაქტიკულად არ მაქვს მიშასთან (ანუ ჩემს ძმასთან) ურთიერთობა.

3. ვერ ვხედავ ვიდეოში რა ხდება და ამიტომ არ ვიცი ის არის თუ არა გადაღებული. უბრალოდ არ ჩანს თორემ მამა ერთი გვყავდა და ამოვიცნობდი აუცილებლად

4. აქვე ინფორმაციისთვის, სუსში არასოდეს უმუშავია, და პოლიციიდან ოქრუაშვილის მინისტრობის დროს გაათავისუფლეს.

5. ზოგადად, მე თუ მკითხვათ, მე მის სიტყვებს დიდ მნიშვნელობას არ ვანიჭებ.

6. მედიის საყურადღებოდ, ტელეფონის ნომერი არ ვიცი." წერს ხიდაშელი.