„გამოვიდეს კვირიკაშვილი და გააკეთოს განაცხადი გადადგომაზე“-ზაზა სარალიძის მიმართვა აქციის მონაწილეებს (ვიდეო)

პოლიტიკა - 20:33, 01 Jun, 2018

5688

სოლიდარობის აქციაზე მოკლული არასრულწლოვანის მამამ ზაზა სარალიძემ განცხადება გააკეთა და მთავრობის გადადგომა მოითხოვა

„სისტემის მფარველებმა ძალიან ბევრი ადამიანი გამომიგზავნეს და მოლაპარაკებას მთავაზობდნენ. თითქოს შექმნეს ჯგუფები, რომლებიც გამოძიებას დაიწყებენ, გამოძიება ვერ დაიწყება, მოწმეები არ არსებობს, მტკიცებულებები არ არსებობს, კიდევ უნდათ მომატყუონ. არ აპირებენ არავის დაკავებას, სისტემამ ომმი გამოგვიცხადა, უნდათ რომ მკვლელები იყვნენ გარეთ.

ძალიან ბედნიერი ვარ რომ პოლიტიკური შეხედულების თუ მრწამსის მიუხედავად სამართლიანობისთვის ყველა ერთად ვიბრძვით.

პირადად მოვითხოვ ამ მთავრობის გადადგომას, ვიღებ პასუხისმგებლობას ჩემ თავზე, იმიტომ რომ სულში ჩაგვაფურთხეს. ისინი უმეცარ გზას ადგანან რომელიც ებრძვის ჩვენ, მომავალ თაობას და თავისუფლებას. გამოვიდეს კვირიკაშვილი და გააკეთოს განაცხადი გადადგომაზე, არამარტო კვირიკაშვილმა არამედ მისმა მთავრობამაც. მე სანამ პირში სული მიდგას სანამ ეს სისტემა არ დაინგრევა აქედან ფეხს არ მოვიცვლი. უნდა დაღვარონ ჩემი სისხლი დაღვარონ. დაე იყოს ჩემი შვილი, მსხვერპლი რათა მომავალი თაობა არ განადგურდეს. დაე, იყოს ჩემი ოჯახი ამ ტრაგედიის მატარებელი, რომ აღარ იყოს შემდეგში ტატუნაშვილი, მაჩალიკაშვილები, და სარალიძეები. რა უნდა ველაპარაკო მთავრობას, რომელსაც ჯიგარამოცლილი ტატუნაშვილი დაუბრუნეს, ახლა თვითონ არ აქვთ ჯიგარი. სისტემა უნდა დაინგრეს.“- განაცხადა ზაზა სარალიძემ.