"საზოგადოებამ უთხრა საკუთარ თავს რომ უსამართლობას არ შეეგუება და ჩვენ მათ გვერდით ვართ"- მაჭუტაძე

პოლიტიკა - 15:20, 01 Jun, 2018

859

პარტია „სახელმწიფო ხალხისათვის“ ლიდერის ნიკა მაჭურტაძის განცხადებით საქართველოში სახალხო მღელვარებაა, რომელიც უსამართლობის და დაუსჯელობის განცდამ გააჩინა. ამ განცხადებით ნიკა მაჭუტაძე დედაქალაქის ცენტრში მიმდინარე აქციას და ამ აქციაში ოპოზიციის მონაწილეობას გამოეხმაურა, მისი თქმით ოპოზიცია დგას იმ მოქალაქეების გვერდით, რომელბიდ უსამართლობას არ ეგუებიან:

„საქართველოში ჩვენს თვალწინ მიმდინარეობს სახალხო მღელვარება და პროტესტი, რომლის დაოკება და დისკრედიტაციაც შეუძლებელია და ამას ხელისუფლება ვერ მოახერხებს. ამ სახალხო მღელვარების უკან დგას ძალიან მართალი და ნათელი მოტივაცია, და ეს არის თავისუფლებისა და სამართლიანობის მოტივაცია. დღეს საქართველოში სუფევს უსამართლობის და დაუსჯელობის განცდა, იმ დამნაშავეთა მიმართ, რომლებიც ხელისუფლების მხარდაჭერით სარგებლობენ და იმ კლანში მონაწილეობით, რომელიც უპირველეს ყოვლისა სამართალდამცავ სისტემაში ბუდობს .

ჩვენთვის, როგორც საზოგადოებისთვის, ყველაზე მნიშვნელოვანია, რომ არ შევეგუოთ უსამართლობას. სწორედ ეს უთხრა საკუთარ თავს ამ დღეებში თითოეულმა მოქალაქემ და ამიტომაც დგანან ისინი იქ და ამიტომაც ვდგავართ ჩვენ მათ გვერდით.“- განაცხადა ნიკა მაჭუტაძემ.