მოკლული არასრულწლოვანის მამამ, ზაზა სარალიძემ, რომელსაც რუსთაველზე დადგმულ კარავში ცოტა ხნის წინ საქართველოს პრეზიდენტი სტუმრობდა, შეხვედრის შესახებ მედიასთან ისაუბრა, მისი თქმით, პრეზიდენტმა სოლიდარობა გამოხატა და დახმარება აღუთქვა. სარალიძე ვარაუდობს, რომ პრეზიდენტი მთავრობასთან წავა მოსალაპარაკებლად, რომ როგორმე მივიიოთ ის მოცემულობა, რაც ჭეშმარიტებას შეესაბამება:

„განადგურებულია ნივთმტკიცებები, გამოძიება ვეღარ ჩატარდება. პრეზიდენტმა გამოხატა სოლიდარობა ჩვენს მიმართ. არ ვიცი როგორ დაგვეხმარება, პრეზიდენტმა თვითონ უნდა გადაწყვიტოს“- განაცხადა სარალიძემ.

კითხვაზე რა მოთხოვნები გადასცა შვილმკვდარმა მამამ პრეზიდენტს, ზაზა სარალიძემ განაცხადა:

„ჩემი შვილის მკვლელები იყვნენ ყველა დასჯილები აბსოლუტურად, გავუზიარე ის დეტალები, რა დეტალებიც იყო დამალული. რა ბერკეტები აქვს , რას გამოიყენებს ვერ გეტყვით. მითხრა რომ ყველანაირად ეცდება რომ მე არ დამრჩეს უსამართლობის განცდა. სავარაუდოდ მთავრობასთან წავა მოსალაპარაკებლად, რომ როგორმე მივიღოთ ის მოცემულობა, რაც ჭეშმარიტებას შეესაბამება"- განაცხადა სარალიძემ.