სახალხო დამცველმა, ნინო ლომჯარიამ მოზარდების მკვლელობის საქმეზე, თბილისის საქალაქო სასამართლოს მიერ მიღებული გადაწყვეტილება შეაფასა.

ომბუდსმენის შეფასებით, სასამართლომ დაადასტურა, რომ გამოძიებამ დავით სარალიძის შემთხვევაში მკვლელი ვერ გამოავლინა, შესაბამისად, გამოძიება აუცილებლად დასაწყებია.

„ჩვენ ვერ აუვლით გვერდს საპროცესო მოქმედებებს ისე, როგორც ეს კანონშია გაწერილი. ეს უფრო მალე უნდა ყოფილიყო გამოძიებული. უფრო ადრე იყო საბაბი და საფუძველი იმისა, რომ გამოძიება ამ მიმართულებით წასულიყო და დაეწყო მოკვლევა, ვინ შეიძლება ყოფილიყო მკვლელობის მონაწილე სხვა პირი. გამოძიება დაუყოვნებლივ დასაწყებია.

რაც შეეხება დროებით საგამოძიებო კომისიას, რომელიც პარლამენტში შეიქმნა, კომისიამ მთავარი აქცენტი უნდა გააკეთოს იმაზე, რომ პროკურატურამ და პროკურატურის წარმომადგენლებმა აღნიშნული დანაშაული გამოძიების დროს რამე გადაცდომა ხომ არ ჩაიდინეს.

ასევე, გამოძიება სხვა ვერსიების მიმართულებით რატომ არ წავიდა და მათ ქმედებებში გადაცდომა ხომ არ იკვეთება.

რეალურად, გამოძიებას ვერც ერთი სხვა მექანიზმი ვერ ჩაანაცვლებს. ამიტომ მნიშვნელოვანია, რომ შსს-მ გამოძიება დაიწყოს და ამ პროცესზე ზედამხედველობა თვისი საგამოძიებო კომისიითსაქართველოს პარლამენტმა უნდა განახორციელოს“, - განაცხადა ნინო ლომჯარიამ.