"შერჩეულ სამართალს აღარ უნდა ჰქონდეს ადგილი"- სანდრა რულოვსი ხორავას ქუჩის ტრაგედიას ეხმაურება

პოლიტიკა - 09:54, 01 Jun, 2018

2647

საქართველოს ყოფილი პირველი ლედი სანდრა რულოვსი ხორავას ქუჩაზე მომხდარ მკვლელობას და ამ მკვლელობის შემდეგ განვითარებულ მოვლენებს სოციალურ ქსელსი ეხმაურება. სანდრა რულოვსის თქმით ხორავას ქუჩაზე მომხდარ ტრაგედიას დაემატა ის უსამართლობა რაც ჩაედინა სასამართლო სისტემამ:

„როგორც ამ ქვეყნის მოქალაქემ და თინეიჯერის მშობელმა ძალიან შემაშფოთა იმ ტრაგედიამ რომელიც გასული წლის დეკემბერში მოხდა, ჩვენი საცხოვრებელი სახლიდან რამოდენიმე ქუჩის იქით. იმ დღეებშივე მივედი 51 სკოლასთან და გამოვხატე ჩემი ღმრმა მწუხარება და მხარდაჭერა ოჯახის წევრებისათვის, მეგობრებისა და სკოლის მიმართ.

ხორავას ქუჩაზე მომხდარ ტრაგედიას დაემატა ის უსამართლობა რაც ჩაედინა სასამართლო სისტემამ და რაც კიდევ უფრო ამძიმებს ლევანის და დათოს ოჯახების ისედაც სასოწარკვეთილ მდგომარეობას.

ქვეყანა, რომელიც ისწრაფვის ევროპული ფასეულობებისკენ, შერჩეულ სამართალს აღარ უნდა ჰქონდეს ადგილი. ასევე მინდა ხაზი გაუსვა, რომ ეგრეთწოდებულ „გარჩევის“ ინსტიტუტს თანდათანობით უნდა ჩაენაცვლოს არა-ძალადობრივამ კონფრომტაციამ და ერთმანეთის პატივისცემამ. ეს არის გრძელვადიანი გამოწვევა, როგორც სკოლისთვის ასევე ოჯახებისთვის, რომელიც გადაარჩენს უამრავ სიცოცხლეს ქვეყანაში, რომლის ტერიტორიაც და მოსახლეობაც საკმაოდ სწრაფი ტემპით ისედაც მცირდება.“-წერს სანდრა რულოვსი.