მთავარი პროკურორის ირაკლი შოთაძის გადადგომას და ხორავას ქუჩაზე არასრულწლოვანების რეალური მკვლელების და მათი მფარველების დასჯის მოთხოვნით მიმდინარე აქციას საქართველოს მესამე პრეზიდენტი მიხეილ სააკაშვილი ეხმაურება. სააკაშვილის თქმით, პერსონებს არ აქვს მნიშვნელობა, მთავარი არის სისტემის საფუძვლიანი ცვლილება:

„ამ სისტემაში სხვანაირად არ იქნება, მინიტრმა დანიშნა თავისი ახლო ნათესავი გენერალური ინსპექციის უფროსად, იმის შვილმა მოკლა ბავშვი და ყველა ხელს აფარებს იმიტომ, რომ იმას აქვს თავის მხრივ ისეთი დავალება შესრულებული ივანიშვილისთვის, რომ ხელს ვერავინ აკარებს. რა შუაშია აქ შოთაძე, ფარცხალაძე, კბილაშვილი და სხვა არაობები, რომლებიც არიან ამ სისტემაში, ამათ ხელთათმანებივით იცვლის მაფიოზი. შოთაძის გადადგომა სწორია, მაგრამ შოთაძე ვინაა საერთოდ? ზუსტად ასევე გადააყენეს ფარცხალაძე, მიცა იმას ივანიშვილმა ფული, რომ პრობლემა არ შეექმნეს და ცხოვრობს გადასარევად. ასევე მისცემენ პენსიაზე ფულს შოთაძეს, ივლის, კარგს შეჭამს, კარგს დალევს და კარგად იქნება.

შესაცვლელია მთლიანად სასამართლო სისტემა, ყველა ძველი მოსამართლე გასაყრელია, ეს პროკურატურა არის დასაშლელი, იუსტიციის საბჭოს ყველა წევრი უნდა გადადგეს, ოპოზიცია უნდა გავერთიანდეთ და საპრეზიდენტო არჩევნების კვალდაკვალ უნდა მოვითხოვით საპარლამენტო არჩევნები და დავამარცხოთ ივანიშვილი. ამ პარლამენტმა მთლიანად ამოწურა ნდობა.“- განაცხადა მიხეილ სააკაშვილმა.