მთავარი პროკურორის ირაკლი შოთაძის გადადგომას ეროვნულ დემოკრატიული პარტიის ლიდერი ბაჩუკი ქარდავა ეხმაურება, რომელიც პროკურატურასთან გამართულ აქციაზე იმყოფება. მისი თქმით, შოთაძის გადადგომა ხელისუფლებისგან „გადმოგდებული ბარტყია“, მთავარი კი იმ სისტემიდ დანგრევაა, რომელიც არა სამართლიანობის პრინციპით, არამედ პოლიტიკური ინტერესების მიხედვით იმართება:

„საზოგადოებას შეცდომაში ვერავინ ვერ შეიყვანს, შოთაძის გადადგომა ახლა არის ხელისუფლების და ბიძინა ივანიშვილის მხრიდან არის ერთი ბარტყის გადმოგდება. ზაზა სარალიძის გვერდით ხალხი დგას იმის გამო, რომ ამ ადამიანს შვილი მოუკლეს და ამ მკვლელებს ხელისუფლებამ ხელი დააფარა. შოტაძე იყო ამის ერთ-ერთი შემსრულებელი და ხელისუფლებამ დროის მოსაგებად გადააყენა ის, მაგრამ შემდგომ რა ნაბიჯები იქნება ხელისუფლებისგან ჩვენ არ ვიცით. ხელისუფლებას რომ სამართლიანობის აღდგენის სურვილი ქონოდა , მკვლელები დაკავებულები უნდა იყვნენ და მირზა სუბელიანი, რომელიც დიდი პოლიტიკური ფასი ღირებულა ხელისუფლებისთვის, უკვე უნდა ყოფილიყო მინიმუმ დაკითხული მაინც, შოთაძის გადადგომა ეს არის „ბარტყი გადმოგიგდეთ“, საზოგადოებაში ამას არავინ ჭამს. მე დარწმუნებული ვარ რომ პროცესი კიდევ უფრო გამწვავდება, ჩვენ უნდა მივიდეთ იმ საკითხამდე, რომ სისტემა უნდა დაინგრეს, სისტემის სათავეში დღეს არის ხელისუფლება, მთელი პოლიტიკური გუნდი და მთავრობა. საბოლოოდ ჩვენ უნდა მივიდეთ მთავრობის გადადგომის საკითხამდე. სისტემა ნებისმიერი ჩვენთაგანის გამსრისავია თუ მას ეს გაუვა.

მე უკვე სამართალს და კანონს ვერ ვხედავ. აქ უკვე ხელისუფლების პოლიტიკური ინტერესებით იღებენ გადაწყვეტილებას. რამდენად აქტიური იქნება საზოგადოება, იმდენად დაიხევს უკან ხელისუფლება. ხელისუფლებას უნდა ვუთხრათ რომ ამ სისტემას საზოგადოება დაანგრევს, პოლიტიკოსებზე ადრე სწორედ საზოგადოების აქტიურობამ იმქმედა და მაგიტომ გადადგა შოთაძე. შოთაძე გაწირეს მაგრამ შემდგომი ნაბიჯი სისტემის დანგრევა უნდა იყოს, რა მნიშვნელობა აქვს წავა შოთაძე, მოვა ფარცხალაძე.“-განაცხადა ბაჩუკი ქარდავამ.