გარდაცვლილია Sky News-ის ოპერატორი მიკ დინი, ეგვიპტელი ჟურნალისტი, 26 წლის ჰაბიბა აჰმედ ელაზიზი, სააგენტო RNN-ის ფოტოჟურნალისტი მოსაბ ელ-შამი და გაზეთ "ალ-აკბარის" ჟურნალისტი აჰმედ აბდელ გავადი. ეგვიპტური მედიის ინფორმაციით, ოთხივე ჟურნალისტი ქაიროში მომხდარი შეტაკებების დროს ცეცხლსასროლი იარაღით მიყენებული ჭრილობების შედეგად გარდაიცვალა. ოფიციალური მონაცემების თანახმად, რომელსაც ქვეყნის ჯანდაცვის სამინისტრო ავრცელებს, შეტაკებების შედეგად დაღუპულია 278 ადამიანი, 2 000-ზე მეტი კი დაშავებულია.

გუშინ ქვეყანაში საგანგებო მდგომარეობა გამოცხადდა, რომელიც ერთ თვეს გაგრძელდება. 11 პროვინციაში კი კომენდანტის საათი მოქმედებს.