"სისტემის მიერ დანაშაულის დაფარვა არასდროს დამთავრებულა ხელისუფლებისთვის კარგად და არც ამათთვის დამთავრდება"- ხაბეიშვილი ხორავას საქმეზე

პოლიტიკა - 14:20, 31 May, 2018

971

„ნაციონალური მოძრაობის“ წევრის ლევან ხაბეიშვილის განცხადებით, ხორავაზე მომხდარი მკვლელობის საქმე არ გამოძიეს და მკვლელები არიან გარეთ. როგორც ხაბეიშვილი აცხადებს დანაშაულის დაფარვაში მაღალი თანამდებობის პირები არიან ჩართულნი:

„სასამართლომ ზაზა სარალიძეს უთხრა, რომ თქვენი შვილის მკვლელი ნაპოვნი არ არის. შეურაცხყოფას აყენებენ არა მარტო ზაზა სარალიძეს არამედ მთელ საქართველოს, ადამიანმა შვილი სკოლაში გაუშვა და სახლში მიუსვენეს, ამის შემდეგ ჩვენ ვხედავთ პროკურატურის მხრიდან „გამოძიებას“, რომელსაც უნდობლობას უცხადებს ზაზა სარალიძე. ამაში არიან მაღალი თანამდებობის პირები ჩართული, თვეებია მიმდინარეობს მსჯელობა სადაც საუაბრია იმაზე, რომ მირზა სუბელიანი ფლობს კადრებს ვანო მერაბიშვილის საკნიდან გაყვანის შესახებ და ამით ხდება პროვოცირება, რომ ეს საქმე არ გავიდეს ბოლოში. სისტემის მიერ დანაშაულის დაფარვა და არგამოძიება, არც არასდროს დამთავრებულა ხელისუფლებისთვის კარგად და არც ამათთვის დამთავრდება “- განაცხადა ლევან ხაბეიშვილმა. მისი თქმით, ყველა ადამიანი გვერდით უნდა დაუდგეს ზაზა სარალიძეს სიმართლისთვის ბრძოლაში.