პარლამენტში უმცირესობა საპარლამენტო კომისიის შექმნას ითხოვს,რ ათა განხილულ იქნეს ხორავაზე მომხდარი მკვლელობის საქმე და პირველი ინსტანციის სასამართლოს გადაწყვეტილება.

სხდომა პირდაპირ ეთერში მედიის ტანდასწრებით მიმდინარეობდა, დეპუტატების განცხადების შემდეგ, ეკა ბესელიამ ღია სხდომაზე საკითხის განხილვის შეწყვეტის ინიციატივა გამოთქვა და გამოხატა ეჭვი, რომ შესაძლოა გარკვეული ჯგუფები ცდილობდნენ ემოციური ფონის სათავისოდ გამოყენებას:

„ახლა ყველა ვაცნობიერებთ, რომ არის ძალიან ემოციური ფონი, მე მგონია, რომ ახლა ასეთი რიტორიკით და ღია ეთერში ამ ემოციურ ფონზე ერთმანეთს ვუმტკიცოთ, ვის როგორ უფრო მეტად სტკივა, განიცდის და რას გრძნობს, მე მგონია, რომ ესეც ძალიან საპასუხისმგებლოა და მე შემოგთავაზებდით სწორედ იმიტომ, რომ ყველა ვაცნობიერებთ პასუხისმგებლობას ამ პროცესში პარლამენტის როლის, ამავე დროს, მე ასევე არ გამოვრიცხავ, რომ შესაძლოა სხვადასხვა ჯგუფს სხვადასხვა მიზანი ჰქონდეს ამ ემოციური ფონის სათავისოდ წარმართვის თუ ასე შემდეგ, ამიტომ რომ გამოვრიცხოთ ასეთი დაშვებაც კი, მე გთავაზობთ, რომ ეს პოლემიკა ახლა შევწყვიტოთ აქ და კონსულტაციები გავაგრძელოთ დახურულ ფორმატში, მივიღოთ გადაწყვეტილება ვის რა პოზიცია გვაქვს და იმ პოზიციებით გავიდეთ სხდომაზე, ადამიანის ემოციებით ტამაშობთ ახლა, ერთმანეთს ვერ შევეჯიბრებით ვის მეტად გვეტკინა გული“, - განაცხადა ეკა ბესელიამ.