ბენდუმ საიქიოში სიტუაცია მოაწესრიგა და ღმერთი გაოცებულია - " შპს „სამოთხის“ იდეა ძალიან მომწონს, მაგრამ რატომ მე მხოლოდ 35%? გაუგებარია...“

სოც.მედია - 11:40, 31 May, 2018

2565

სოციალურ ქსელში იუმორისტული ჩანახატი ვრცელდება, რომელიც კახა ბენდუქიძის „საიქიოში მოღვაწეობას“ ეძღვნება:

„ბენდუქიძე კვდება და ჯოჯოხეთში ხვდება.

რამდენიმე თვის შემდეგ ჯოჯოხეთი ბრწყინვალედ ამუშავდება.

კერძოდ,

- კოცონი მუდმივად გიზგიზებს, კუპრის მარაგი გათვლილი და დასაწყობებული, ქვაბები გახეხილი, ზეთის დეფიციტი აღმოფხვრილი, ცოდვილების ხარშვა - მკაცრად განსაზღვრული გრაფიკით, ზეგანაკვეთური სამუშაოების ანაზღაურება - სანიმუშო.

ერთი სიტყვით, სახეზეა შრომის იდეალური ორგანიზება.

ამის შემდეგ, კახა პეტრე მოციქულს ხვდება და ეკითხება:

- ჯოჯოხეთის ფუნქციონირების პრობლემები საფუძვლიანად გადაწყვიტე, შეგიძლია ახლა განსაწმენდელი რომ ჩამაბარო?

პეტრემ:

- რაზეა საუბარი. - და ბენდუს აწინაურებენ.

მცირე დროის შემდეგ იქაც:

- იდეალური სისუფთავე, რიგების გაქრობა და მიცვალებულების ნაკადის ოპტიმალური მართვა, ცოდვების დროულად განხილვა, ცოდვილების მომენტალური დახარისხება - გადამისამართება...

განსაწმენდელშიც, კახას შესანიშნავი მენეჯმენტის წყალობით ყველაფერი საათივით მუშაობს.

მიღებული შედეგებით გაოცებული და გახარებული პეტრე, ბენდუს მიმართავს:

- მითხარი და ნებისმიერ სურვილს შეგისრულებ.

- არაფერი მინდა, გარდა ღმეთთან 5 წუთიანი აუდიენციისა.

- ძალზე ძნელი საქმეა, მაგრამ ყველანაირად შევეცდები. - არც თუ ისე იმედიანად მიუგო პეტრემ.

მრავალი ძალისხმევის შედეგად ბენდუს და ღმერთის შეხვედრის ორგანიზება მაინც მოხერხდა.

ედემის ბაღში, 5 წუთის მაგივრად 3 საათიანი მათი ერთობლივი სეირნობის და საუბრის შემდეგ გაოცებული ღმერთი ანგელოზების კრებულს მიმართავს:

- შპს „სამოთხის“ იდეა ძალიან მომწონს, მაგრამ რატომ მე მხოლოდ 35%? გაუგებარია...“