სირიის მხრიდან რუსეთის მიერ ოკუპირებული ცხინვალის რეგიონისა და აფხაზეთის დამოუკიდებელ რესპუბლიკებად ცნობას თურქეთი ეხმაურება, თურქეთის რესპუბლიკის საგარეო საქმეთა სამინისტროს სპიკერის, ჰამი აქსოისის განცხადებით, სირიის რეჟიმის გადაწყვეტილება წარმოადგენს საერთაშორისო სამართლის, გაერო-ს ქარტიისა და გაერო-ს უშიშროების საბჭოს გადაწყვეტილებების უხეშ დარღვევას:

„საქართველოს რეგიონების – აფხაზეთისა და „სამხრეთ ოსეთის“ ე.წ. დამოუკიდებლობის აღიარებასა და მათთან დიპლომატიური ურთიერთობების დამყარების შესახებ სირიის რეჟიმის გადაწყვეტილება წარმოადგენს საერთაშორისო სამართლის, გაერო-ს ქარტიისა და გაერო-ს უშიშროების საბჭოს გადაწყვეტილებების უხეშ დარღვევას.ჩვენი ქვეყანა ყოველთვის მტკიცედ უჭერს მხარს საქართველოს სუვერენიტეტს, დამოუკიდებლობასა და ტერიტორიულ მთლიანობას.“- ნათქვამია თურქეთის საგარეო უწყების წარმომადგენლის განცხადებაში, რომელსაც საქართველოში თურქეთის საელჩო ავრცელებს.