მავნებელი მთავრობის საცეცები ვაკის პარკსაც მისწვდა

მავნებელი მთავრობის საცეცები ვაკის პარკსაც მისწვდა - თამთა შამათავა

პოლიტიკა - 16:31, 30 May, 2018

1219

„კალაძის მერობის შვიდი თვის თავზე ეკოლოგიურად ჯანსაღი, სიცოცხლით სავსე თბილისის ნაცვლად მივიღეთ უკიდურესად დაბინძრებული, ქაჯეთის ციხედ ქცეული ქალაქი. 7 თვის წინ კალაძე გვპირდებოდა პარკების და სკვერების რეაბილიტაციას, სანაცვლოდ კი მივიღეთ გაჩეხილი ხეები იპოდრომზე, ტროტუარებზე და სკვერებში მიმდინარე მშენებლობები, უკიდურესად დაბინძრებული და მკვლელი ჰაერი.

ბატონო კალაძე, დროა სელფების გადაღებას შეეშვათ. როგორც ჩანს თქვენი კამერიდან კარგად არ ჩანს, რომ თბილისი არის ერთ-ერთი ყველაზე დაბინძურებული ქალაქი მსოფლიოში, ეს არის ქალაქი მანქანებისთვის, შენობებისთვის და არა ადამიანებისთვის.

მავნებელი მთავრობის საცეცები ვაკის პარკსაც მისწვდა, ადგილს, რომელიც ერთ-ერთი მწვანე სივრცეა ქალაქის ცენტრში. ვაკის პარკში სასტუმროს მშენებლობა იწყება.

ასევე, მერიის გადაწყვეტილებით იმ 7 ჰექტარ მიწის ფართობზე, სადაც დენდროლოგიური პარკი უნდა გაშენებულიყო, კორპუსები აშენდება.“-განაცხადა თამთა შამათავამ.

თამთა შამათავას განცხადებით ერთ სულ მოსახლეზე რეკომენდირებულია დაახლოებით 12-15 კვ. მ რეკრეაციული სივრცე. თბილისში კი, ერთ ადამიანზე მოდის დაახლოებით 2 კვ.მ მწვანე საფარი.