"იმ პერიოდში, როცა მარიხუანას ინტენსიურად მოვიხმარდი, სამი დიპლომი მაქვს აღებული"- ზურაბ ჯაფარიძე საკონსტიტუციო სასამართლოში

პოლიტიკა - 14:06, 30 May, 2018

3731

საკონსტიტუციო სასამართლოს პირველი კოლეგია „გირჩის“სარჩელს განიხილავს. სარჩელში „გირჩი“ პარლამენტის წინააღმდეგ, მოსარჩელე მხარე მოითხოვს არაკონსტიტუციურად გამოცხადდეს ნორმა, რომელიც ექიმის დანიშნულების გარეშე მარიხუანას მოხმარებისთვის ადმინისტრაციულ სანქციას – 500 ლარიან ჯარიმას ითვალისწინებს. პროცესზე სიტყვით გამოვიდა „გირჩის“ წარმომადგენელი ზურაბ ჯაფარიძე:

„მე ვარ მარიხუანას მომხმარებელი ბევრი წელია, სადღაც 16-17 წლიდან. ახლა აღარ ვარ ისეთი ინტენსიური მომხმარებელი, დრო არ მაქვს ამის, მაგრამ მქონდა დაახლოებით 15 წელი პერიოდი ინტენსიური მოხმარების, იყო პერიოდი, როცა ყოველ ღამე მოვიხმარდი. ჩემი გამოცდილებიდან შემიძლია გითხრათ, რომ იმ პერიოდში, როცა მე მარიხუანას მოვიხმარდი, მაქვს სამი უმაღლესი განათლების დიპლომი აღებული, ვმუშაობდი საქართველოში თითქმის ყველა საერთაშორისო ორგანიზაციაში, ერთი თვეც კი არ მქონია წყვეტა, რომ ვყოფილიყავი უმუშევარი, ვკითხულობდი ლექციებს, ვწერდი სტატიებს, ვიყავი პარლამენტის წევრიც და ვარ პრეზიდენტობის კანდიდატი ამ მომენტისთვის“- განაცხადა ჯაფარიძემ.