ქართველი ემიგრანტი გოგო, რომლის დედამაც იტალიაში თავი მოიკლა, პატიმრობიდან გაათავისუფლეს

სოც.მედია - 00:40, 29 May, 2018

5216

იტალიაში გარდაცვლილი ემიგრანტის, თეა ნიკოლაიშვილის ცხედარი საქართველოში 26 მაისს ჩამოსვენეს და ის ჩოხატაურში დაკრძალეს. გარდაცვლილის ქალიშვილი იტალიაში, სასამართლოს გადაწყვეტილებით გაათავისუფლეს.

ინფორმაციას ამის შესახებ სოციალურ ქსელში, სასამართლოს მედიატორი და თარჯიმანი ნინა რურუა აქვეყნებს.

"იტალიაში გარდაცვლილი ქალბატონის თეა ნიკოლაიშვილის ცხედარი დღეს ოჯახმა საქართველოში მიიღო. ასოციაციის სახელით, კიდევ ერთხელ სამძიმარს ვუცხადებ გარდაცვლილის ოჯახს.

აქვე მინდა პასუხი გავცე იმ ადამიანებს, რომელთა ინტერესი არ ცხრება და ისევ მიმდინარეობს ათასნაირი ინფორმაციის მცდარი ინტერპრეტაცია.

დაკავებული გოგონა, , სასამართლოს გადაწყვეტილებით, გათავისუფლებულ იქნა და საღამოს საათებში მან დატოვა საპატიმრო. მაგრამ იმის გამო, რომ იტალიის ტერიტორიაზე არალეგალურად იმყოფება, გადაყვანილია სადეპორტოში, კანონით გათვალისწინებული პროცედურების გავლისთვის.

უბრალოდ თხოვნაა, ახლა მაინც შევიკავოთ თავი მცდარი ვერსიებისგან და ინფორმაციისგან", _ წერს ნინა რურუა.

ქართელმა ემიგრანტმა, 46 წლის თეა ნიკოლეიშვილმა იტალიაში სიცოცხლე თვითმკვლელობით დაასრულა.