საქართველოს მესამე პრეზიდენტი მიხეილ სააკაშვილი ვიდეო-მიმართვას ავრცელებს.

ბიძინა ივანიშვილის ლომბარდისა და ბანკების მევახშოკრატიის დასასრული საქართველოში - ამბობს სააკაშვილი და ყოფილი პრემიერის არაფორმალური მმართველობის დასასრულს აანონსებს.

მიხეილ სააკაშვილის თქმით, მისი და მისი გუნდის ხელისუფლებაში მოსვლის შემთხვევაში გამოცხადდება 2 წლიანი მორატორიუმი უსამართლო სესხებზე და შეიქმნება სპეციალური ფონდი, სადაც გაერთიანდება ბოლო წლების განმავლობაში ნაძარცვი აქტივები და მოხდება დაზარალებული მოსახლეობის კომპენსირება.

სააკაშვილი მიიჩნევს, რომ ივანიშვილის მიერ ხელოვნურად მოხდა ლარის კურსის გაუფასურება, სწორედ ამიტომ დოლარში გაცემული სესხების დაფარვა კვლავაც ძველი კურსით უნდა მოხდეს.