შოთა შალელაშვილი საერთაშორისო მაფიის მიერ მოპარულ ფულს საქართველოში თანაინვესტირების ფონდის მეშვეობით ათეთრებს

შოთა შალელაშვილი საერთაშორისო მაფიის მიერ მოპარულ ფულს საქართველოში თანაინვესტირების ფონდის მეშვეობით ათეთრებს - მიხეილ სააკაშვილის სკანდალური განცხადება

პოლიტიკა - 10:29, 28 May, 2018

2121

საქართველოს მესამე პრეზიდენტი მიხეილ სააკაშვილი „ქართული ოცნების“ თავმჯდომარე ბიძინა ივანიშვილსა და უმრავლესობის წევრ შოთა შალელაშვილს საერთაშორისო მაფიის ფულის გათეთრებასა და რუსულ სპეცსამსახურებთან ერთად მოქმედებაში ადანაშაულებს. სკანდალური განცხადება მიხეილ სააკაშვილმა გადაცემა „კვირის აქცენტებში“ გააკეთა.სააკაშვილის თქმით, რამდენიმე წლის წინ, აშშ-ის ტერიტორიაზე მომხდარ ყველაზე მხვილ ჰაკერულ თავდასხმაში, რომელიც უდიდეს კიბერძარცვად ითვლება, „ქართული ოცნების“ წევრის შოთა შალელაშვილის შვილი მონაწილეობდა, რომელიც ფულს რუსი ჰაკერების დახმარებით იპარავდა. საუბარია დაახლოებით, 2 მილიარდ დოლარზე, რომელიც სააკაშვილის , საქართველოში შემოედინებოდა და მისი გათეთრება ივანიშვილის თანაინვესტირების ფონდის მეშვეობით ხდებოდა.

„შალელაშვილი, ამ საერთაშორისო აფერისტების ოჯახი, იმიტომ რომ მისი შვილი გასამართლებულია აშშ-ში მასობრივად ფულის მოპარვაში და ამ საქმეში მონაწილეობდა რუსული სპეცსამსახურები. ეს არის რუსული სქემა, მოპარულია 2 მილიარდი დოლარი. ამის შემდეგ ეს ადამიანი ჩამოყავთ საქართველოში აძლევენ მას დეპუტატის მანდატს რა დამსახურებისთვის კაცმა არ იცის, ოფიციალურად აფიქსირებს, რომ აქვს მილიარდი დოლარი, აშენებენ ბიტკოინების ქარხანას და ამისთვის იღებენ პრაქტიკულად უფასო დენს. ეს კაცი ათეთრებს საერთაშორისო მაფიის მიერ მოპარულ ფულს საქართველოს ტერიტორიაზე. და რაში ათეთრებს? თანაინვესტირების ფონდის სრულიად გაუმჭვირვალე პროექტებში. ივანიშვილი აკეთებს იმას, რასაც მთელი ცხოვრება აკეთებდა, ეს იყო ჯერ გამთეთრებელი კვანტრიშვილის ფულის და უმარავი ხალხი ჰყავთ მოკლული, მერე იყო გენერალ ლებედის ფულის გამთეთრებელი და იმ მაფიის, რომელიც ჩართული იყო ალუმინის წარმოებაში. მან და რამდენიმე რუსულმა ბანკმა დაანგრია რუსეთის ეკონომიკა 1998 წელს. ზუსტად ისეთივე საბანკო მაფია შექმნა ირაკლი რუხაძესთან, მამუკა ხაზარაძესთან და ირაკლი გილაურთან ერთად ქართულ საბანკო ბაზარზე საქართველოში, ზუსტად ისევე ათეთრებს საერთაშორისო მაფიის ფულს ბიტკოინების ქარხანაში.“- განაცხადა მიხეილ სააკაშვილმა.