ხორავაზე მოკლული მოზარდის მამის, ზაზა სარალიძის მხარდამჭერ აქციაზე მივიდა ე.წ. ციანიდის საქმის ადვიკატი მიხეილ რამიშვილი. ადვოკატი ითხოვს, რომ სახელმწიფომ უნდა გასცეს პასუხი ყველა იმ კითხვას, რომელიც აქვს ზაზა სარალიძეს.

„ძალიან მტკივა, რომ დღეს ვდგავარ შვილმკვდარი მამის გვერდით და ძალიან კარგად მესმის რას ნიშნავს მისთვის აქ დგომა. მთელი უბედურება ის არის რომ ამ ქვეყანაში ყველას ავიწყდება და პირველ რიგში იმ პირებს და უწყებას, რომელიც სიმართლეს უნდა ემსახურებოდნენ. სირცხვილია, რომ მამას რომელსაც შვილი აღარ ჰყავს, დადის და ვერანაირ პასუხს ვერ სცემს პროკურატურა,“-განაცხადა მიხეილ რამიშვილმა.