რუსეთთან დავის მოსაგებად, საქართველომ წარადგინა უტყუარი მტკიცებულებები

რუსეთთან დავის მოსაგებად, საქართველომ წარადგინა უტყუარი მტკიცებულებები - პრემიერი

პოლიტიკა - 14:42, 25 May, 2018

1291

„საქართველო რუსეთის წინააღმდეგ“ - საქართველოს პრემიერ-მინისტრი, სტრასბურგის სასამართლოში მიმდინარე პროცესს ეხმაურება.
მისი თქმით, სტრასბურგში საქართველომ მტკიცებულებებით გამყარებული სიმართლე წარადგინა.

„23 მაისს სტრასბურგში, სამართლებრივი დავა გაიმართა საქართველოსა და რუსეთს შორის, და შემიძლია თამამად ვთქვა, რომ ამ ბრძოლაში საქართველოს მხარეს, ნამდვილად იყო მტკიცებულებებით გამყარებული სიმართლე. საქართველო არის ევროპული ინსტიტუციური დემოკრატიის ქვეყანა და სწორედ ამიტომ, 2008 წლის რუსეთის აგრესიულ ქმედებებზე, დანაშაულებებსა და ოკუპაციაზე ჩვენი პასუხი არის სამართლებრივი და პოლიტიკური.

რუსეთთან მეორე სახელმწიფოთაშორისი დავის მოსაგებად, საქართველომ წარადგინა უტყუარი მტკიცებულებები. საგულისხმოა, რომ ეს საქმე, რომელსაც სტრასბურგის სასამართლოს დიდი პალატა განიხილავს და 17 ქვეყნის მოსამართლეებითაა დაკომპლექტებული, თავად მისთვისაც არის პრეცედენტულია.

მწამს, რომ ეს გადაწყვეტილება იქნება ის, რაც 2008 წლის რუსული აგრესიის შედეგად დაზარალებულებს მართლმსაჯულების რწმენას დაუბრუნებს და მომავალში ჩვენი ქვეყნის დეოკუპაციის ძალიან მყარ სამართლებრივ საფუძველს შექმნის"- განაცხადა პრემიერმა.