ხორავას ქუჩაზე მოკლული ერთ-ერთი მოზარდის დავით სარალიძის მამა, ზაზა სარალიძე მზად არის მთავარ პროკურორს შეხვდეს, თუმცა მოკლული მოზარდის მამა ამბობს, რომ შოტაძესთან შეხვედრა დახურული არ უნდა იყოს.

მისივე თქმით, თუ ირაკლი შოთაძეც მზად იქნება ღიად ისაუბროს ამ მკვლელობის საქმეზე მაშინ შეხვედრის გასაჯაროებაზე იცის დათანხმდება.

„რა განაცხადიც მოვისმინე ბატონი შოთაძისგან აბსოლუტურად იგივე ადგილის ტკეპნა არის პროკურატურის მხრიდან ჩემს მიმართ. არანაირ სიახლეს არ ველოდები, მაგრამ მაინც თანახმა ვარ მოვუსმინო და გავუზიარო ის წარმოდგენა ამ საქმესთან დაკავშირებით და დავუდო ის დეტალები რასაც დღეს პროკურატურა მალავს.

მინდა აღვნიშნო, რომ არ მინდა, ეს შეხვედრა იყოს დახურულ ფორმატში იმიტომ რომ მე საზოგადოებასთან არაფერი მაქვს დასამალი, თუ მათაც არ აქვთ დასამალი, შემხვდნენ ღია სივრცეში“- აცხადებს ზაზა სარალიძე.

მთავარმა პროკურორმა ხორავას ქუჩაზე მოკლული დავით სარალიძის მამასთან შეხვედრის მზადყოფნა გამოთქვა.