საპარლამენტო უმრავლესობის ლიდერი არჩილ თალაკვაძე აშშ-ის ვიცე-პრეზიდენტ მაიკ პენსისა და პრემიერ-მინისტ გიორგი კვირიკაშვილის შეხვედრასთან დაკავშრებით კომენტარს აკეთებს და აცხადებს, რომ აღნიშნული შეხვედრა ამერიკელ და ქართველ ხალხს შორის ძლიერი მეგობრობის დასტურია.

„უნდა აღინიშნოს, რომ საგარეო საქმეთა სამინისტრომ და ჩვენმა საელჩომ ამერიკაში, ეფექტურად იმუშავეს ამ ვიზიტის წარმატებულად ჩატარებისთვის. პოლიტიკური განცხადებები, რომელიც შეხვედრების შემდეგ გაკეთდა, აშკარად ამბობს იმას, რომ საქართველო დღეს, აშშ-სთან ურთიერთობის 25 წელიწადში ძლიერი და საიმედო პარტნიორია. ტერიტორიით აშშ-სთან შედარებით ჩვენ ვართ პატარა ქვეყანა, თუმცა ჩვენს მიმართ დიდი იმედები და დიდი ნდობა არსებობს“, – განაცხადა არჩილ თალაკვაძემ.