‘’ევროსასამართლოს მიერ საქართველოსთვის დადებითი გადაწყვეტილების გამოცხადების შემთხვევაში, ხელისუფლებას აღსრულებასთან დაკავშირებით დამატებით მუშაობა მოუწევს’’

‘’ევროსასამართლოს მიერ საქართველოსთვის დადებითი გადაწყვეტილების გამოცხადების შემთხვევაში, ხელისუფლებას აღსრულებასთან დაკავშირებით დამატებით მუშაობა მოუწევს’’ - სერგი კაპანაძე

პოლიტიკა - 17:56, 23 May, 2018

1136

"ევროპული საქართველოს წევრი", ვიცე-სპიკერი სერგი კაპანაძე ამბობს, რომ ევროსასამართლოს მიერ საქართველოსთვის დადებითი გადაწყვეტილების გამოცხადების შემთხვევაში, ხელისუფლებას აღსრულებასთან დაკავშირებით დამატებით მუშაობა მოუწევს.

’’ამ საქმეს აქვს რამდენიმე დატვირთვა, პირველ რიგში სამართლებრივი. თუ ამ საქმეს მოვიგებთ, რაშიც დარწმუნებული ვარ, წინა ხელისუფლების მიერ ყველაფერი კარგად იყო მომზადებული. ამ საქმის მოგების შემდეგ საქართველოს ეძლევა დამატებით საერთაშორისო სამართლებრივი არგუმენტები, მათ შორის სხვა სასამართლოებში აწარმოოს საქმე. სამწუხაროდ, „ქართული ოცნების“ ხელისუფლებამ გააჩერა პროცესი საერთაშორისო სასამართლოს ფარგლებში, ჩვენ იქ შეგვეძლო კონსულტაციების გაგრძელება რუსეთთან დევნილების დაბრუნების საქმეზე, მაგრამ ეს შეაჩერა.იმ საქმესთან მიმართებაში გვექნება დამატებითი არგუმენტები ანუ სამართლიანად გაძლიერდება ჩვენი პოზიცია. რაც შეეხება კონკრეტულად კომპენსაციას თუ სხვა ტიპის რუსეთის დავალდებულებას, ამაზე მთავრობას მოუწევს დამატებით მუშაობა ეს უნდა იქნას რეალურად აღსრულებული’’ - აცხადებს სერგი კაპანაძე.